2013 கட்சித்  தேர்தலின்போது  நிகழ்ந்ததாகக் கூறப்படும்  முறைகேடுகள் தொடர்பில்   மஇகா  கொடுக்கும்  கடிதங்களை   சங்கப் பதிவகம் (ஆர்ஓஎஸ்) இனிமேல்  ஏற்கப்  போவதில்லை  ஆர்.ரமணன்  கூறினார்.

இன்று  பிற்பகல் ஆர்ஓஎஸ் மஇகாவுக்கு  அனுப்பிய  கடிதத்தில்  இதைத்  தெளிவாகக்  குறிப்பிட்டுள்ளதாக  அந்த  முன்னாள்  மத்திய  செயல் குழு  உறுப்பினர்  கூறினார்.

தலைமைச்  செயலாளருக்கு  அணுக்கமானவர்கள்  கடிதத்தில்  உள்ளடக்கம்  பற்றித்   தமக்குத்  தெரியப்படுத்தியதாக  அவர்  சொன்னார்.

“மஇகா  முந்திய  கடிதங்களில்  கொடுத்திருந்த  விளக்கங்களே  போதுமானவை  என்றும்  இனியும்  கடிதங்கள்  பெற்றுக்கொள்ளப்பப்பட  மாட்டா  என்றும்  ஆர்ஓஎஸ்  கூறியிருந்தது.

“அதாவது  ஆர்ஓஎஸ்  உத்தரவுப்படி  நடக்க  வேண்டும்  என்பதுதான்  இதன்  பொருளாகும்”,  என்று  ரமணன்  கூறினார்.