1மலேசியா  மேம்பாட்டு நிறுவன(1எம்டிபி)த்துக்கு  எதிராக  போலீஸ்  புகார்  செய்ததால் அம்னோ  உறுப்பினர்களின் கோபத்துக்கு ஆளான  கைருடின்  அபு  ஹசான்  அவருக்குச்  சொந்தமான  வீடு  அவருக்குத் தெரியாமலேயே  விற்பனைக்கு  வந்திருப்பது  கண்டு  அதிர்ச்சி  அடைந்துள்ளார்.

கோலாலும்பூரில்  அவருக்குச்  சொந்தமான  ஒரு  வீடு  ஏலத்தில்  விடப்படுவதாக  வலைப்பதிவர்கள்  சொல்லித்தான்  தெரிய  வந்ததாக  கைருடின்  கூறினார்.

ஹோட்டல் இஸ்தானாவில்  ஏல  விற்பனை  நடந்துள்ளது. முடிவு  இன்னும்  தெரியவில்லை.

“நான்  வீட்டை  விற்க  நினைத்தது  உன்மைதான். அதை  ரிம5.1 மில்லியனுக்கு  வாங்குவதற்கு  ஒருவர்  தயாராக  இருந்தார்”, என  அந்த  பத்து  கவான்  அம்னோ  துணைத்  தலைவர்  கூறினார்.

அதற்குள்  அவரது  வீடு  ஏலம்  விடப்பட்டுள்ளது.  இதை  விடப்போவதில்லை  என்றும்  சம்பந்தப்பட்டவர்களுக்கு  எதிராக  சட்ட  நடவடிக்கை  எடுக்கப்போவதாகவும்  அவர்  தெரிவித்தார்.

அவர்  கடனை  ஒழுங்காக  திருப்பிச்  செலுத்தவில்லை  என்பதையும்  ஒப்புக்கொண்டார்.  ஆனால், அதற்காக  வங்கி அவரை  எச்சரிக்கவும் இல்லை.