ஆகாயப் படை மேஜர்  ஜைடி  அஹ்மட், நீதிபதிகளை  நோக்கி  அவர்களின்  செயலுக்கு  இறைவனின்  மன்றத்தில்  தீர்ப்பளிக்கப்படும்  என்றார்.

13வது  பொதுத்  தேர்தலில் பயன்படுத்தப்பட்ட  அழியா  மை  பற்றி  ஊடகங்களிடம்  பேசியது  குற்றமே  என  இராணுவ  நீதிமன்றம்  தீர்ப்பளித்தை  அடுத்து  ஜைடி  இவ்வாறு  கூறினார்.

தண்டனையைக்  குறைப்பதற்காக  முறையிடும்  வேளையில் தொடர்ந்து  அரசியலைக்  கலந்து  பேசிக்  கொண்டிருந்தால்  அவர் நீதிமன்றத்தை  அவமதித்த  குற்றத்தை  எதிர்நோக்க  வேண்டியிருக்கும்  என  எச்சரிக்கப்பட்டதைத்  தொடர்ந்து,  “இறைவனின்  நீதிமன்றத்தில்  சந்திப்போம்”, என்றவர்  தெரிவித்தார்.

“அரசியல்  நிலவரத்தை  எதிர்நோக்கும்போது  தலையைவிட  வயிறு  பெரிதாக  போய்விடுகிறது”, என்றும்  ஜைடி  குறிப்பிட்டார்.