அல்டான்துயா  ஷரீபு கொலையில்  இரண்டாவது  குற்றவாளியாகக்  குறிப்பிடப்பட்டிருந்த  சிருல்  அஸ்ஹார்  உமர்  வெளிநாட்டில்  இருப்பதாக  பெர்னாமா  செய்தி  கூறுகிறது.

அவரிடம்  மலேசியா  திரும்புவதற்குப் பணமில்லை. அதனால்தான்  இன்று  காலை  அவர்  நீதிமன்றத்துக்கு  வரவில்லை.

சில  வட்டாரங்களை  மேற்கோள்காட்டி  அச்செய்தியை  வெளியிட்டிருந்த  தேசிய  செய்தி  நிறுவனம், கடந்த   இரண்டு  மாதங்களாக  வெளிநாட்டில் இருக்கும்  சிருல்  தீர்ப்பளிக்கும்  நாளை  அறிந்தே  இருந்தார்  எனக்  கூறிற்று.

ஆனால், சிருல்  எங்கு  இருக்கிறார்  என்பதை  அது  தெரிவிக்கவில்லை.

அக்கொலைக்  குற்றத்துக்காகக்  கூட்டரசு  நீதிமன்றம்  அவருக்கும்  இன்னொரு  போலீஸ்காரரான  அஸிலா  ஹட்ரி-க்கும்  மரண  தண்டனை  விதித்தது.