உள்துறை  அமைச்சர்  ஜாஹிட்  ஹமிடி,  அமெரிக்கப்  புலனாய்வுத்  துறைக்கு எழுதிய  கடிதம் பற்றி  இதுவரை  கடைப்பிடித்து  வந்த  மெளனத்தைக்  கலைத்திருக்கிறார். அமெரிக்காவில்  வழக்கை  எதிர்நோக்கியுள்ள  பால்  புவாவைப் பாதுகாக்கும்  நோக்கில்  அதைத்  தாம்  எழுதவில்லை  என்பதை  அவர் வலியுறுத்தினார்.

பால் புவாவின் நிலையையும்  மலேசியாவில்  14கே  இரகசியக்  கும்பல்  செயல்படுகிறதா  என்பதையும்  தெளிவுபடுத்துவதே  அக்கடிதத்தின்  நோக்கமாகும்  என்றாரவர்.

“பால் புவாவின்  நிலையைத்  தெளிவுபடுத்தவே  எப்பிஐ-க்குக்  கடிதம்  எழுதினேன். அது எதிரணி-ஆதரவு  செய்தித்தளங்களில்  கூறப்பட்டிருப்பதுபோல்  பால்  புவாவுக்கு  ஆதரவாக  எழுதப்பட்ட  கடிதம்  அல்ல”,  என்று  ஜாஹிட் செய்தியாளர்  கூட்டமொன்றில்  கூறினார்.