ஊழலை  அம்பலப்படுத்துவதில் தீவிரம்  காட்டுவதில்லை  என  பினாங்கு  முதலமைச்சர்  லிம்  குவான்  எங்   பிஎன்  வழிநடத்தும் கூட்டரசு  அரசாங்கத்தைச்  சாடினார்.

“அது  மேலும்  ஊழல்  செய்யவே  பசி கொண்டு  அலைவதுபோல்  தோன்றுகிறது”. நேற்றிரவு  பினாங்கு  கழகமும் சி4  ஊழல்- தடுப்பு  கண்காணிப்பு அமைப்பும்  ஏற்பாடு  செய்திருந்த  கருத்தரங்கில்  லிம்  இவ்வாறு  கூறினார்.

சி4 என்பது Centre to Combat Corruption and Cronyism  என்பதன்  சுருக்கமாகும்.

“ஊழல்  பேய்களை, அப்பேய்கள்  நாட்டின்  நிதிகளைக்  காலி  செய்வதற்குமுன்  தலைமைக் கணக்காய்வாளர்  ஒழிப்பார்  என  எதிர்பார்க்கிறோம்.

“மலேசிய  ஊழல்-தடுப்பு  ஆணைய(எம்ஏசிசி)த்தைப்  பொருத்தவரை  அது, வெறும்  நிழலாக  போல்  இல்லாமல்  எப்போது  ஹாங்காங்  ஊழல்-தடுப்பு  அமைப்புப்  போல  மும்முரமாக  செயல்படப்போகிறது  என்று  பலரும்  கேட்கிறார்கள்”, என்றாரவர்.

எம்ஏசிசி  சட்ட  ஆலோசகர்  ஹான்  ச்சீ  ருல்,  பொதுக் கணக்குக்குழுத்  தலைவர்  நூர்  ஜஸ்லான்  முகம்மட், டிஏபி  புக்கிட்  மெர்தாஜாம்  எம்பி  ஸ்டீவன்  சிம்  ஆகியோர்  அக்கருத்தரங்கில் கலந்துகொண்டனர். சி4 இயக்குனர்  சிந்தியா கேப்ரியல்  தலைமை  தாங்கினார்.