பெரிதும்  எதிர்பார்க்கப்பட்ட  மலேசிய  விமான  நிறுவனத்தின்  எம்எச்370  மீதான   முக்கிய  அறிவிப்பு  கடைசி  நேரத்தில் இரத்துச் செய்யப்பட்டது.

அந்த  அறிவிப்பைச்  செய்வதற்காக  சிவில்  விமானப்  போக்குவரத்துத்  துறை  புத்ரா  ஜெயாவில்  உள்ள  அதன்  தலைமையகத்தில்  இன்று  பிற்பகல்  மணி  3.30-க்கு    செய்தியாளர்  கூட்டத்தை  நடத்தவிருந்தது. ஆனால், அது  “எதிர்பாராத  காரணங்களால்”  இரத்துச்  செய்யப்படுவதாக  அறிவிக்கப்பட்டுள்ளது.

எம்எச்370  கடந்த ஆண்டு மார்ச்  மாதம் 239  ஆள்களுடன்  கோலாலும்பூரிலிருந்து  பெய்ஜிங்  நோக்கிப்  பறந்து  கொண்டிருந்தபோது  காணாமல்  போனது.

அது  என்னவானது  என்பது  இதுவரை தெரியவில்லை.