காணாமல் போய்விட்ட மலேசிய ஏர்லைன்ஸ் பயணம் எம்எச்370 இல் பயணித்த 239 பயணிகளும் பணியாளர்களும் இறந்து விட்டதாக கருதப்படுகிறது என்று சிவில் விமான இலாகா இன்று ஆழ்ந்த வருத்தத்துடன் அறிவித்தது.

இன்று மாலை இதனை ஆர்டிஎம்1 நேரடி ஒளிபரப்பில் டிசிஎ தலைமை இயக்குனர் அஸாருடின் அப்துல் ரஹ்மான் அறிவித்தார்.

“பயணம் எம்எச்370 ஒரு விபத்து என்று அதிகாரப்பூர்வமாக மலேசிய அரசாங்கத்தின் சார்பில் ஆழ்ந்த வருத்தத்துடன் அறிவிக்கிறோம்”, என்று அவர் கூறினார்.

ஆனால், காணாமல் போன அந்த விமானத்தை தேடும் நடவடிக்கைகள் தொடரும் என்று அவர் மேலும் கூறினார்.

இந்த அறிவிப்பை சம்பந்தப்பட்ட பயணிகள் மற்றும் பணியாளர்களின் குடும்ப உறுப்பினர்கள் ஏற்றுக்கொள்வது சிரமானதாக இருக்கும் என்றாலும், அவர்கள் தங்களுடைய வழக்கமான நிலைக்குத் திரும்ப முயற்சிப்பது அவசியமாகும் என்று அஸாருடின் கூறினார்.