பிரதமர்  நஜிப்  அப்துல்  ரசாக்  பத்து  மலை தைப்பூசத்  திருவிழாவுக்கு  வருகை  புரிந்தார்.

காலை  மணி  10.30க்கு  கோயில்  வளாகம்  வந்தடைந்த  பிரதமரையும்  அவரின்  துணைவியார்  ரோஸ்மா  மன்சூரையும்  மஇகா தலைவர்  ஜி.பழனிவேலும்  ஆலயத் தலைவர்களும் வரவேற்றனர்.

பத்து  மலையில்  சுமார்  1.6மில்லியன் பக்தர்கள்  பக்திப்  பரவசத்துடன்  தைப்பூசத்தைக் கொண்டாடிக்  கொண்டிருக்கிறார்கள்.

காவடிகள்  எடுப்போர்,  காவடிகள்  அல்லாமல்  வேறு  வழிகளில்  தங்கள்  நேர்த்திக்  கடன்களைச்  செலுத்துவோர்,  தைப்பூச  நாளில்  முருகனைத்  தரிசித்து  அவனருளைப்  பெற  வருவோர், திருவிழாக்  காட்சிகளை  வேடிக்கை  பார்க்க  வருவோர்  எனப் பல்லாயிரக்கணக்கானோர்  பத்து  மலையில்  திரண்டிருக்கிறார்கள். தேசிய  சுற்றுலா  நாள்காட்டியில்  தைப்பூசத்  திருவிழா  ஒரு  முக்கிய  நிகழ்வு  என்பதால் அதைப்  பார்ப்பதற்காக  வெளிநாட்டுச்  சுற்றுப்பயணிகளும்  நிறைய  வந்திருக்கிறார்கள்.