1எம்டிபி நிறுவனத்தின்மீது  அடுக்கப்படும்  கேள்விகளுக்கு  அரசாங்கம்  பதிலளிக்க  முடியாமல் இருப்பதைக்  குறைகூறினால்  குறை சொல்பவர்களைத்  தாக்குவதற்கெனவே  புதிதாக  வலைப்பதிவர்கள்  புறப்பட்டிருப்பதாக  நினைக்கிறார் முன்னாள்   பிரதமர்  டாக்டர்  மகாதிர்  முகம்மட்.

அரசியல்  நோக்கம்  கொண்ட  இப்படிப்பட்ட  வலைப்பதிவர்கள்  தம்மையும்  இன்னும்  பலரையும்  தீயவர்களாகச்  சித்திரித்துக்  காட்ட முனைகிறார்கள்  எனத் தம்முடைய  chedet.cc வலைப்பதிவில்  மகாதிர்  கூறியுள்ளார்.

“எனது  நம்பகத்தன்மையைக்  கெடுப்பதே அதன்  நோக்கமாகும். ஆனாலும், நான்  தொடர்ந்து கேள்வி கேட்டுக்கொண்டுதான்  இருப்பேன், கேய்மன் தீவிலிருந்து  கொண்டு வரப்பட்ட  பணம்  எங்கே?.

“ரிம8பில்லியன் கையில்  இருக்கும்போது  பணம்  கடன் வாங்க  வேண்டிய  அவசியம்  என்ன?

“இந்தக்  கேள்விகளுக்குப் பதில்  சொல்ல  முடியவில்லை  என்பதால்  கேள்வி  கேட்பவர்களைக்  கெட்டவர்களாகக்  காண்பிக்கப்  பார்க்கிறார்கள்.

“இப்படிச்  செய்வதைப்  பார்க்கையில்  1எம்டிபி-இல்  நிலைமை  சரியாக  இல்லை என்ற  சந்தேகம்தான்  வலுப்படுகிறது”, என  மகாதிர் பதிவிட்டிருக்கிறார்.