எவருக்கு  உள்துறை  அமைச்சர்  அஹ்மட்  ஜாஹிட்  ஹமிடி  உத்தரவாதச்  சான்று  அளித்தாரோ  அந்தச்  சூதாட்ட  மன்னன்  பால்  புவா,  இப்போது  மலேசிய  குடிமகனாக  இருக்க  மாட்டர் போலும்.

மொண்டிநெக்ரோவில்  தொழில்களைக்  கொண்டுள்ள  புவா  பற்றிக்  கிடைத்துள்ள  புதிய  சான்றுகள்  அவர்  அந்நாட்டுக்  குடியுரிமையையும்  பெற்றிருப்பதைக்  காண்பிக்கின்றன.

மலேசிய  அரசமைப்பு  இரட்டைக்  குடியுரிமையை  அனுமதிப்பதில்லை. இன்னொரு  நாட்டின்  குடியுரிமையைப்  பெறும்  ஒருவர் அவரது  மலேசிய  குடியுரிமையை  இயல்பாகவே  இழந்து  விடுவார்.

புவாவுக்கு  2013  அக்டோபருக்கும்  2014  அக்டோபருக்குமிடையில்  மொண்டிநெக்ரோ  குடியுரிமை  வழங்கப்பட்டிருக்கிறது.