பாஸ் செப்பாங்  எம்பி  முகம்மட்  ஹனிபா  மைடின்,   அன்வார் இப்ராகிமின் குதப்புணர்ச்சி  வழக்குமீது  வாதமிட  வருமாறு அரசாங்கம்  நியமித்த  அரசுத்தரப்பு  வழக்குரைஞரான  ஷாபி  அப்துல்லாவுக்கு  மீண்டும்  சவால்  விடுத்துள்ளார்.

இன்று  நாடாளுமன்றத்தில்  அவர்  இச்சவாலை  விடுத்தார்.

“ஆம். அதன்மீது  வாதமிட  நான்  தயார். ஷாபியுடன்  அல்லது  வேறு  யாருடனும், அம்னோ  இளைஞர்  தலைவர்  கைரி  ஜமாலுடினாக  இருந்தாலும்  சரிதான்  நான் வாதத்துக்குத்  தயார்.

“நானும்  பிகேஆர் உதவித்  தலைவர்  ரபிஸி  ரம்லியும்,  ஷாபியும்  கைரியும்  என்றாலும்  சரிதான். ஆர்டிம்  உள்பட  எங்கு  வேண்டுமானாலும்  வாதமிடலாம்”,  என்று  ஹனிபா  மலேசியாகினியிடம்  தெரிவித்தார்.