தி எட்ஜ்  செய்திதாளின் பதிப்பாளர்  ஹோ கேய் தாட்டும்  மலேசியன்  இன்சைடர் (டிஎம்ஐ)  தலைமை செயல் அதிகாரி  ஜகபர் சாதிக்கும்  இன்று டாங் வாங்கி  போலீஸ் நிலையத்துக்கு  விசாரணைக்காக  சென்றபோது  கைது  செய்யப்பட்டனர்.

ஆட்சியாளர்  மாநாடு பற்றித்  தப்பான செய்தியை  வெளியிட்டதற்காக  டிஎம்ஐ-இன்   மூத்த  செய்தியாசிரியர்கள் மூவர்- லயோனல்  மொராய்ஸ், அமின்  ஷா  இஸ்கண்டர்,  சுல்கிப்ளி  சூலோங்- நேற்று  கைது  செய்யப்பட்டதை   அடுத்து  இன்று  இவ்விருவரும்  தடுத்து  வைக்கப்பட்டுள்ளனர்.

“நாங்கள்  கைது  செய்யப்பட்டது  ஹுடுட்  பற்றிய  ஒரு  செய்திக்காக  மட்டுமல்ல  என்று  தோன்றுகிறது”, என  ஜகபர், கைது  செய்யப்படுவதற்குமுன்  டிஎம்ஐ-இடம்  கூறினார்.

“த  மலேசியன்  இன்சைடர்  அச்சமோ  பாரபட்சமோ  இன்றி  தொடர்ந்து  செய்திகளை  வெளியிட்டு வரும். எப்போதும்போலவே   நடந்து  கொள்வோம்”, என்றாரவர்.

தி எட்ஜ்-தான்  டிஎம்ஐ  செய்தித்தளத்தை  நடத்தி  வருகிறது.