மலேசிய பட்டதாரிகள்  “வில்லன்களாகி” நாட்டை  அழிக்காதிருக்க   அவர்களுக்கு  அறநெறிகள்  புகட்டப்பட  வேண்டும்  எனப்  பிரதமர்  நஜிப்  அப்துல்  ரசாக்  கூறினார்.

“அவர்கள்  அறிவாளிகளாக  இருந்து  அறநெறியற்றவர்களாக  இருந்தால், அவர்களின்  அறிவைக்  கொண்டு  நாட்டையே  அழித்து  விடலாம்.

“அதற்கோர் எடுத்துக்காட்டு,  நன்கு  படித்தவர்கள்  படித்ததை  வைத்து  குண்டுகள்  உருவாக்குவது. இது  சாத்தியமில்லாத  ஒன்றல்ல”, என  நஜிப்  கூறினார்.

இன்று  கோலாலும்பூரில்  தேசிய  உயர்க்  கல்வி  செயல்திட்டம் 2015- 2020-ஐத்  தொடக்கி வைத்து  உரையாற்றியபோது  நஜிப்  இவ்வாறு  கூறினார்.

பட்டதாரிகள்  தீயவர்களாக  மாறாமலிருப்பதை  உறுதிப்படுத்துவதுடன்   வருமானத்தையும்  பெருக்கிக்  கொள்ளவும் பொதுப்  பல்கலைக்கழகங்கள் வழி  தேட  வேண்டும்.  கூடுதல்  ஒதுக்கீடுகளுக்குக்  கோரிக்கை  விடுத்துக்  கொண்டிருக்கக்  கூடாது.

“உதாரணத்துக்கு  2025-இல்  அரசாங்கம்  ரிம14 பில்லியன்  வழங்கும். பல்கலைக்கழகங்கள்  சுயமாக  ரிம4 பில்லியனைத்  தேடிக்  கொள்ள  வேண்டும்.

“இது  சிரமம்  என்று  நான்  நினைக்கவில்லை. சில  பல்கலைக்கழகங்களிடம்  2,000 ஏக்கர்  நிலம்  இருக்கிறது இதை  வைத்து  சில  நூறு மில்லியன்  ரிங்கிட்  வருமானத்தை  உருவாக்கலாம்”, என்றாரவர்.