மே  முதல்  நாள்  நடத்தத்  திட்டமிடப்பட்டுள்ள #BatalGST பேரணிக்கு  சுமார்  ஒரு மில்லியன்  ஆர்ப்பாட்டக்காரர்களைத்  திரட்ட  இலக்குக்  கொண்டிருப்பதாக  கித்தா  லவான் செயலகம்  இன்று  தெரிவித்தது.

தொழிலாளர்  தினத்தன்று  நடைபெறும்  அப்பேரணி ‘Kami Semua Tok Janggut (நாம்  எல்லாருமே  தோக் ஜங்குட்-கள்தாம்)  என்ற  கருப்பொருளைக்  கொண்டிருக்கும். வெள்ளிக்கிழமை  தொழுகை  முடிந்து  பிற்பகல்  மணி  2.30க்கு பேரணி  தொடங்கும். அதில்  கலந்துகொள்வோர்  நான்கு  இடங்களில்- மஸ்ஜித்  நெகாரா,  மஸ்ஜித்  ஜாமெக்,  சோகோ,  மெனாரா  மே பேங்க்-  ஒன்று  திரண்டு  டட்டாரான்  மெர்டேகாவையும்  கேஎல்சிசி-யையும்  நோக்கி  ஊர்வலமாகச்  செல்வர்.

“மே  1  பேரணியில்  கலந்துகொள்ளுமாறு பிகேஆர்,  பாஸ், டிஏபி ஆகிய  கட்சித்  தலைவர்களைக்   கேட்டுக்கொள்கிறோம். நம்முடைய முன்னாள்  பிரதமர்  மகாதிர்  முகம்மட்  கலந்துகொள்ள  விரும்பினால்  தாராளமாக  வரலாம்”, என  #BatalGST தலைவர்  முகம்மட்  சாபு  கூறினார்.