பக்கத்தான்  ரக்யாட்  வேட்பாளர்  டாக்டர்  வான்  அசிசா வான்  இஸ்மாயில் காஜாங்  பெர்மாத்தாங்  பாவ்  ஆகிய  இரண்டு  தொகுதிகளுக்கும்  நேரத்தை  ஒதுக்குவது  ஒரு   பிரச்னையாக  இருக்குமா?

கவலையே  வேண்டாம். பினாங்கு  முதலமைச்சர்  லிம்  குவான்  எங்கும்  சிலாங்கூர்  மந்திரி  புசார்   அஸ்மின்  அலியும்  அவருக்கு  உதவிக்கரம் நீட்டுகிறார்கள்.

நேற்றிரவு  பெர்மாத்தாங்  பாவில்  ஒரு  செராமாவில்  உரையாற்றிய   லிம், இடைத்  தேர்தலில்  வான்  அசிசா  வெற்றிபெற்றால்  அவரால்  காஜாங்குக்குப்  போதுமான  நேரத்தை  ஒதுக்க  முடியாது  என்று  அம்னோ  கூறியிருப்பதைப்  புறந்தள்ளினார்.

“…அஸ்மின்  காஜாங்கைக்  கவனித்துக் கொள்வார். பெர்மாத்தாங்  பாவ்  வாக்காளர்களை  நான்  கவனித்துக்  கொள்வேன்”, என்று லிம்  கூற, சுமார்  150 பேரடங்கிய  கூட்டம் கைதட்டி  ஆரவாரம்  செய்தது.

செராமா  முடிந்த  பின்னர்  செய்தியாளர்களிடம்  பேசிய  அஸ்மின், காஜாங்  சிலாங்கூர்  மாநிலத்தில்  இருப்பதால் அதன்  வளர்ச்சிக்குத்  தாம்  பொறுப்பு  என்றார்.

“அவரின் (வான் அசிசா) அடைவுநிலையில்  திருப்தி  அடைகிறேன். (காஜாங்  சட்டமன்ற  உறுப்பினராக) புதியவராக  இருந்தாலும்  வெள்ளப்  பெருக்கு,  போக்குவரத்து  நெரிசல் போன்றவற்றுக்குத்  தீர்வு  கண்டிருக்கிறார்.”,என்று  அஸ்மின்  கூறினார்.