தாபோங்  ஹாஜி  1எம்டிபி-இடமிருந்து  வாங்கிய  சர்ச்சைக்குரிய நிலத்தை   பிரதமரின்  ஆலோசனைக்கு  ஏற்ப  விற்கப்போவதாய்  அதன்  தலைவர்  அப்துல்  அசீஸ்  ரகிம்  தெரிவித்தார்.

தாபோங் ஹாஜி சந்தாதாரர்களின்  உணர்வுகளுக்கு  மதிப்பளிக்கும்  வகையில்  நிலத்தை  விற்பதற்கு வாரியம் ஒப்புக்கொண்டுள்ளது  என  அசீஸ்  கூறினார்.

அதே  வேளையில்,  நிலக் கொள்முதலில்  தவறு  எதுவும்  நிகழவில்லை என்பதையும்  பாலிங்  எம்பி-ஆன  அசீஸ்  வலியுறுத்தினார்.

“பிரதமர்  இன்று  காலை  என்னை  அழைத்து  நிலத்தை  விற்குமாறு  அறிவுறுத்தினார். மூன்று  தரப்பினர்  அதை  வாங்க  ஆயத்தமாக  உள்ளனர். அடுத்த  வாரம் அதை  முடிவு  செய்வோம்”, என்றாரவர்.

“நாங்கள்  போட்ட  முழுப் பணத்தையும்  திரும்பப்  பெறுவோம். ஆதாயமும்  கிடைக்கலாம்”, என்று  அசீஸ்  செய்தியாளர்  கூட்டத்தில்  தெரிவித்தார்.