தாபோங் ஹாஜி  வாரியம் 1மலேசியா  மேம்பாட்டு நிறுவனத்திடம் நிலம் வாங்கிய  விவகாரம்  பற்றி  இதுவரை  கருத்துத்  தெரிவிக்காதிருந்த  பிரதமர்  நஜிப்  அப்துல்  ரசாக், இப்போது  முதல்முறையாக  அது  பற்றிப்  பேசியுள்ளார்.

சாபாவில்  செய்தியாளர்களிடம் பேசிய  நஜிப், அச்சர்ச்சை  தொடர்வதை விரும்பவில்லை  என்றதுடன்  அது  1எம்டிபி-யை  மீட்டெடுக்கும்  முயற்சி  அல்ல  என்பதையும்  வலியுறுத்தினார்.

நிலத்தைத்  தனியார்  துறையிடம்  விற்பதன்வழி  அந்த  யாத்திரிகர்  நிதி  வாரியம்  ஒரே  நாளில் பல  மில்லியன்களை  ஆதாயமாகப்  பெற்றிருக்கும்  என்றாரவர்.

“அதனால், அது 1எம்டிபி-யை  மீட்டெடுக்கும்  நடவடிக்கை அல்ல. தனியார்  நிறுவனம்  எதுவுமே  நட்டப்படுவதற்காக  எந்தத்  திட்டத்தையும் வாங்குவதில்லை”, என்று  நஜிப்  கூறியதாக  பெர்னாமா  அறிவித்தது.