இன்று  நடைபெறும்  அம்னோ  கூட்டத்தில், தொகுதித்  தலைவர்கள்,   பிரதமர்  நஜிப்  அப்துல்  ரசாக்கிடம்  பதவி  விலகுமாறு  “நயமாக”க்  கேட்டுக்கொள்வார்கள்  என முன்னாள்  தகவல்  அமைச்சர்  சைனுடின்  மைடின்  கூறியுள்ளார்.

“நஜிப்புக்கு  மக்களின்  குறிப்பாக  அம்னோ  உறுப்பினர்களின்  ஆதரவு  இல்லை  என்ற  முடிவுக்கு  அவர்கள்  வந்திருப்பதாக  எனக்குத்  தகவல்  கிடைத்துள்ளது.

“இன்று  பிற்பகல்  நடக்கும்  கூட்டத்தில்  அவர்கள்  நஜிப்பிடம்  நயமாகவும்  நாகரிகமாகவும்  இதை  எடுத்துரைப்பார்கள்”, என  சைனுடின்  அவரது  வலைப்பதிவில்  கூறினார்.