அப்கோவின்  முன்னாள் தலைவர்  பால்  ஸ்டேட்லன் பிரதமர்  நஜிப்  அப்துல்  ரசாக்கின்  ஊடகத்  தொடர்பான  நடவடிக்கைகளையெல்லாம்  கவனித்துக்  கொண்டார்  என்றும்  அதற்காக  அவருக்குப் பணம்  கொடுக்கப்பட்டது  என்றும் கூறப்படுவதை  அரசாங்கம்  மறுக்கிறது.

“இதுவரை  பால்  ஸ்டேட்லனுக்கு  ஊதியம்  என்ற  வகையில்  அரசாங்கம்  எதுவும்  கொடுத்ததில்லை”, என  பிரதமர் துறை  அமைச்சர்  ஷஹிடான்  காசிம்  நாடாளுமன்றத்தில் எழுத்துப்பூர்வமான பதிலில்  கூறினார்.

பிரதமர்  அலுவலக  ஊடகக்குழு  உறுப்பினர்  என்ற  முறையில்  பால்  ஸ்டேட்லனுக்கு  கொடுக்கப்பட்ட  ஊதியத்தை  அறிந்துகொள்ள  விரும்பிய  செப்பாங்  பாஸ்  எம்பி முகம்மட்  ஹனிபா  மைடினுக்கு  ஷஹிடான்  இவ்வாறு  பதிலளித்தார்.

ஆனால், ஸ்டேட்லன் ஊடகக்குழு  உறுப்பினர்களில்  ஒருவர் என்பதை ஷஹிடான்  மறுக்கவில்லை.