பாஸ் கட்சி அதன் மாநாட்டில் டிஎபியுடனான உறுவுகளை முறித்துக் கொள்ள எடுத்துள்ள முடிவைத் தொடர்ந்து பினாங்கு மாநில அரசில் தாம் வகித்து வரும் பதவிகளிலிருந்து விலகப் போவதாக பாஸ் கட்சி தேர்தலில் தோற்கடிக்கப்பட்ட அக்கட்சியின் முன்னாள் துணைத் தலைவர் முகமட் சாபு கூறினார்.

“நான் அதற்கு கீழ்ப்படியாவிட்டால், நான் உலாமாக்களின் சொற்படி நடக்கவில்லை என்று அவர்கள் கூறுவார்கள்”, என்று மாட் சாபு இன்று அக்கட்சி மாநாட்டில் ஆற்றிய ஏளனமான உரையில் கூறினார்.

அவர் பினாங்கு நீர் கார்ப்பரேசன் மற்றும் பினாங்கு ஹலால் ஹப் ஆகியவற்றின் வாரிய உறுப்பினராக இருக்கிறார்.

கட்சித் தேர்தலில் பெரும் வெற்றி பெற்றுள்ள கட்சியின் உலாமா தலைமைத்துவத்தை கடுமையாகச் சாடும் உரையை மாட் சாபு நிகழ்த்தினார்.

டிஎபியுடனான உறவை முறித்துக் கொள்ள பாஸ் எடுத்துள்ள முடிவு குறித்து கருத்துரைத்த பினாங்கு முதலமைச்சர் லின் குவான் எங், பாஸ் எடுத்துள்ள முடிவுக்கு ஏற்ப நன்னெறி அடிப்படையில் டிஎபியின் தலைமையில் இயங்கும் பினாங்கு மாநில அரசாங்கத்தில் இடம் பெற்றிருக்கும் அனைத்து பாஸ் பிரதிநிதிகளும் பதவி துறக்க வேண்டும் என்று பினாங்கு முதல்வர் லிம் குவான் எங் இன்று முன்னேரத்தில் தெரிவித்தார்.