பேரரசரின் அனுமதியின்றி பாஸ் தலைவர் அப்துல் ஹாடி ஆவாங்கின் ஹுடுட் சட்டவரைவை மக்களவையில் விவாதிக்க முடியாது.
சமயம் தொடர்பான எந்தவொரு சட்டவரைவையும் நாடாளுமன்றத்தில் கொண்டுவர ஆட்சியாளர்கள் மன்றத்தின் ஒப்புதல் தேவை எனப் பண்பாட்டு, சுற்றுலா அமைச்சர் நஸ்ரி அப்துல் அசீஸ் கூறினார்.
“கூட்டரசு நிலையில் ஆகோங்-தான் இஸ்லாத்தின் தலைவர்.
“பேரரசருக்கு அது பற்றி இன்னும் விளக்கப்படவே இல்லை என்கிறபோது ஹுடுட் மீதான சட்டவரைவை நாங்கள் எப்படி விவாதிக்க முடியும்? அது அவமதிக்கும் செயலாகும்”, என நஸ்ரி மலேசியாகினியிடம் சனிக்கிழமை தெரிவித்தார்.
எனவே, ஹாடி முதலில் பேரரசரைச் சந்திக்க அனுமதி பெற்று சட்டவரைவு பற்றி அவருக்கு விளக்க வேண்டும், அதுவே சரியான நடைமுறையாகும் என்றாரவர்.
இந்த சட்ட விதி கூட தெரியாமலா நாடாளுமன்ற சபாநாயகர் தனி நபர் பிரேரணை நாடாளுமன்றத்தில் விவாதிக்க ஏற்றுக் கொண்டார்?. அட தேவுடா!. இது இந்நாட்டு நாடளுமன்றத்திர்க்கே ஏற்பட்ட பெரிய களங்கம். ஏதேதுக்கோ நாடாளுமன்ற ‘Standing Order’ -ரை கையில் எடுத்துக் கொண்டு சட்டம் பேசும் சபாநாயகருக்கு இது கூட தெரியாதா?. நல்ல சபாநாயகர்! நல்ல நாடாளுமன்றம்!. நல்ல ஹுடுத் நாடகம்!. இதை எல்லாம் முன்கூட்டி சட்ட ஆலோசனை பெறமால் ஒரு தனி நபர் பிரேரணை தாக்கல் செய்யும் பாஸ் கட்சித் தலைவர்?. இவர் பாஸ் கட்சி தொண்டர்களை ஏமாற்றுகின்றாரா அல்லது ஒட்டு மொத்த மலாய்க்காரர்களையே மடையர்களாக்குகின்றாரா? தேவுடா! தேவுடா!.