சரவாக் ரிப்போர்ட் பிரதமர் நஜிப் அப்துல் ரசாக்கைக் குற்றவாளியாகக் காண்பிப்பதற்காக பொய்ச்சாட்சியங்களை உருவாக்கியது என்று கூறிய லெஸ்டர் மெலான்யியிடம் பொலீசார் வாக்குமூலம் பதிவு செய்தனர்.
லெஸ்டரிடம் வாக்குமூலம் பதிவுசெய்ய புக்கிட் அமான் போலீசார் ஜூலை 17, 18-இல் கூச்சிங் வந்தார்கள் என சரவாக் போலீஸ் ஆணையர் முகம்மட் சப்து ஒஸ்மான் தெரிவித்தார்.
“பல கணினிகளையும் அவர்கள் எடுத்துச் சென்றனர். ஆனால், யாரையும் கைது செய்யவில்லை”, என்றவர் பெர்னாமாவிடம் கூறினார்.
கடந்த புதன்கிழமை காணொளி வாக்குமூலம் வழங்கியிருந்த லெஸ்டர், தான் சரவாக் ரிப்போர்டில் வேலை செய்ததாகவும் வேலை செய்த காலத்தில் 1எம்டிபி-க்கு எதிரான தகவல்களைப் புனைவதற்கு உதவியதாகவும் கூறிக்கொண்டார்.
சரவாக் ரிபோர்டில் வெளிவந்த 1எம்டிபி பற்றிய தகவல்களில் 10 விழுக்காடு மட்டுமே சேவியர் எண்ட்ரி ஜஸ்டோ கொடுத்தவை என்று லெஸ்டர் கூறினார்.
ஏனைய 90 விழுக்காடு ‘எதிரணியினரா’ல் புனையப்பட்டதாம்.
இதை சொல்வதற்கு நீ எவ்வளவு வாங்கினயோ ??
இதை சொல்வதற்கு நீ எவ்வளவு வாங்கினயோ ? என்று லஞ்சத்தை கொச்சை படுத்தாமால், “BR1M” எவ்வளவு கொடுத்தார்கள் என்று மரியாதையாக கேளுங்கள். இல்லையென்றால் “BUDAYA RASUAH 1 MALAYSIA”-வின் தந்தையான நஜிப் கோபம் கொண்டு சபித்து விட போகிறார்.