ஆஸ்திரேலியாவில்  சொத்து  வாங்கியதில்  முறைகேடுகள்  நிகழ்ந்திருப்பதாகக்  கூறப்படுவதால்  மாரா  வெளிநாடுகளில்  சொத்து வாங்குவதை  நிறுத்திக்கொள்ள  முடிவு  செய்திருப்பதாக  அதன்  முன்னாள்  தலைவர்  அனுவார்  மூசா  கூறினார்.

மாரா  அதன்  கடன்களை  அடைப்பதற்காக  சொத்துகள்  சிலவற்றை  விற்கப்  போவதாகவும்  அவர்  தெரிவித்தார்.

“வெளிநாடுகளில்  சொத்து  வாங்குவதைத்  தொடர  வேண்டாம்  என்ற  முடிவுக்கு  வந்திருக்கிறோம்.

“நாங்கள்  வாங்கிய  சொத்துகளுக்கு  நல்ல  விலை  கிடைக்குமானால்  அவற்றை  விற்பதற்கும்  தயாராக  இருக்கிறோம்”, என்றாரவர்.

அந்த  வகையில்  மாரா  லண்டனில்  உள்ள  ஏஷ்லி  ஹவுசை   விற்க  முடிவு  செய்துள்ளது. அதை  விற்பதால்  அதற்கு  20 விழுக்காடு  ஆதாயம்  கிடைக்கலாம்.

ஆனால், ஆஸ்திரேலியாவில்  உள்ள  அதன்  சொத்துகலை  மாரா  விற்காது. டட்லி  இண்டர்நேசனல்  ஹவுஸ் மீதும்  இதர  மூன்று  சொத்துகள்  மீதும்  ஊழல்-தடுப்பு  ஆணையம்  விசாரணை  செய்து  வருவதால்  விசாரணை  முடிந்த  பின்னரே  அவை  விற்கப்படும்  என  அனுவார்  கூறினார்.

மாரா  தலைவராக  இருந்த  அனுவாரின்  ஈராண்டுப்  பதவிக்  காலம்  கடந்த  வெள்ளிக்கிழமையுடன்  முடிவுக்கு  வந்தது.