பிரதமர் நஜிப்பின் தனிப்பட்ட வங்கிக்கணக்கில் வைக்கப்பட்டிருக்கும் ரிம2.6பில்லியன் குறித்து விசாரித்து வரும் மலேசிய ஊழல் ஒழிப்பு ஆணையத்திற்கு மக்கள் ஆதரவு அளிக்க வேண்டும் என்ற கோரிக்கை நேற்றிரவு கோலாலம்பூரில் நடைபெற்ற ஒரு கருத்தரங்கில் வலியுறுத்தப்பட்டது.
கோலாலம்பூர் மற்றும் சிலாங்கூர் சீன அசெம்பிளி மண்டபத்தில் நடைபெற்ற அக்கருத்தரங்கில் 1,000 க்கு மேற்பட்டோர் கலந்து கொண்டனர். அதில் எதிரணி மற்றும் சிவில் சமூக தலைவர்களுடன் அம்னோவின் ஒரு முன்னாள் துணை அமைச்சரும் பங்கேற்றனர்.
“இங்கிருந்து எங்கே போகிறோம்” என்ற தலைப்பைக் கொண்ட அக்கருத்தரங்கில் பேசிய டிஎபியின் நாடாளுமன்ற தலைவர் லிம் கிட் சியாங், எம்எசிசியின் தலைவர் பஹாரி முகமட் ஸின் அவரது அமைப்பு மேற்கொண்டிருக்கும் விசாரணையை தகர்ப்பதற்கு போலீசாருக்கு யார் உத்தரவிட்டது என்பதை கண்டறிவதற்கு நடவடிக்கை எடுக்கப்படும் என்று விடுத்திருந்த அறிக்கை முழுவதையும் வாசித்தார். எம்எசிசி சிறிய மீன்களைப் பிடிப்பதில்தான் ஈடுபாடு காட்டி வருகிறது என்று தாம் அந்த அமைப்பை குறைகூறி வந்துள்ளதை நினைவு கூர்ந்த கிட் சியாங், அது தாக்கப்படும் போது அதற்கு உதவுவது நமது கடமையாகும் என்றார்.
அந்த அமைப்பின் அதிகாரிகளுக்கு தம்முடைய ஆதரவை தெரிவிப்பதற்காக தாம் இன்று எம்எசிசியின் தலைமையகத்திற்கு செல்லப் போவதாக கிட் சியாங் மேலும் கூறினார்.
பிரதமர் நஜிப்பின் வங்கிக்கணக்கில் சேர்க்கப்பட்டிருக்கும் ரிம2.6பில்லியன் குறித்து அவரை எம்எசிசி விசாரிக்கும் என்று நேற்று வெளியிட்ட ஓர் அறிக்கையில் எம்எசிசி கூறியது.
இது வரையில், எஸ்ஆர்சி இன்டர்நேசனல் சென்ட். பெர்ஹாட் மற்றும் பிரதமர் நஜிப்பின் தனிப்பட்ட வங்கிக்கணக்கிற்கு மாற்றப்பட்டிருந்த ரிம2.6பில்லியன் சம்பந்தமான விசாரணையை மேற்கொண்டிருந்த எம்எசிசியின் ஏழு அதிகாரிகளை போலீசார் கைது செய்துள்ளனர் அல்லது விசாரணைக்கு அழைத்துள்ளனர்.
இக்கருத்தரங்கில் பேசிய அம்பிகா அம்னோ இதுவரையில் நம்பியிருந்த ஓர் அமைப்பையே தாக்கும் அளவிற்கு அதன் தரம் கெட்டு விட்டது என்றார்.
இது கடந்த ஒரு வாரமாக நடந்துகொண்டிருக்கிறது என்பதைச் சுட்டிக் காட்டிய அவர் அம்னோவுக்கும் வரம்பு உண்டு என்று மேலும் கூறினார்.
தங்களுடைய கடமையை ஆற்றும் மக்களை கைது செய்வதா என்று கேட்ட அம்பிகா, இது ஏற்றுக்கொள்ளக்கூடியதல்ல என்றார்.
முன்னாள் துணை அமைச்சரான சைபுடின் அப்துல்லா தங்களுடைய கடமையை ஆற்றும் அரசு ஊழியர்களுக்கு தமது ஆதரவைத் தெரிவித்தார்.
இம்மாதிரியான விளக்கக் கூட்டத்தில் நடைபெறுவதை பொது மக்கள் எப்படி அறிந்து கொள்வது???
இதில் மக்களாகிய நமக்கு ஒன்றும் இல்லை , அரசாங்க பணமோ அல்லது மற்றவர்கள் கொடுத்தோ . நான் வேலை செய்தல் எனக்கு பணம் .
மக்கள் ஆதரவு அளிக்க வேண்டுமா?. ‘Teoh Beng Hock – கை கைது செய்தவுடன் ஜ.செ.க. ஆதரவு அளித்ததா?. கைதானவுடன் ஊழல் ஒழிப்பு ஆணையத்திற்கு எத்துனை சவுக்கடி!. அதே நிலைதான் இன்றும். ஊழல் ஒழிப்பு ஆணையத்திற்கு மக்கள் ஆதரவு தர தயாராக இருக்கின்றார்கள். ஆனால் அந்த ஆணையத்தின் ஊழியர்களே உள்குத்து பின் குத்து வேலை செய்தால் மக்கள் ஆதரவு கொடுத்து என்ன பயன்?. ஆணையத் தலைவர் விடுப்பில் சென்று விட்டார் என்று ஒரு தகவல் வெளியாகின்றது. அதே வேளையில். வந்த பணம் கையூட்டு இல்லை என்பதால் சிறப்பு விசாரணை தேவை இல்லை என்று அதே ஆணையத்தின் கீழ் அதிகாரிகள் செய்தி வெளியிடுகின்றனர். அந்த ஆணையத்தின் அதிகாரிகளே ஊழல் விசாரணைக்குத் தடையாக விளங்கினால் மக்கள் ஆதரவு அளித்து என்ன பயன். முதலில் எங்கள் வேலைக்கு மேலிடத்து தடை வருவதால் நாங்கள் அனைவரும் எங்கள் வேலைகளை தற்காலிக முடக்கம் செய்கின்றோம் என்று அறிக்கை விட்டு அதனை செயல்படுத்த முன் வர வேண்டும். அதன்பின் இந்நாட்டின் சமஸ்தானபதியிடம் நேரடி முறையீடு செய்ய தைரியம் வேண்டும். அவர்கள் எல்லாம் எதுவுமே செய்யாமால் மக்கள் பணத்தில் கொழுத்துப் போயிருக்க மக்கள் எவ்வளவு ஆதரவு அளித்துதான் என்ன பயன்?.
மக்கள் பணம் கண்ட கண்ட இடத்தில் விரயாமாகிறதே என எதிர்கட்சி புலிகள் அடிக்கடி கர்ஜிப்பதை கேட்கிறோம். GST யின் வரவு கண்டந்துண்டமாக அதிகரித்துள்ளதால், நாடாளுமன்ற உறுப்பினர்கள், சட்டமன்ற உறுப்பினர்கள் ஆகியோரின் சம்பளம் 200% வரை உயர்த்தப்பட்டுள்ளது. ஒரு பயலும் வாயை திறக்க காணோம்.
எல்லாம் மக்கள் கையில் தான் இருக்கு.யார் இருக்கனும் யார் வெளியேற வேண்டும் என்று.ஒரு திர்கமான முடிவை மக்கள் எடுக்க வேண்டிய கட்டாயத்தில் உள்ளனர் இது சரியா நடந்தால் எல்லாம் சரியா வரும்.