வெள்ளிக்கிழமை பிரதமர் துறை அலுவலகத்திற்கு மாற்றப்பட்ட  மலேசிய ஊழல் தடுப்பு ஆணையத்தின்  மூத்த  அதிகாரிகள்  இருவர்  அவர்களின்  பழைய  பணியிலேயே  இன்று  திரும்பவும்  அமர்த்தப்பட்டனர்.

அவ்விருவரும்  அரசாங்கத் தலைமைச் செயலாளர் அலி ஹம்சாவையும்  பொதுச்சேவைத்துறை தலைமை இயக்குனர்  முகம்மட் ஸபிடி சைனாலையும் சந்தித்த  பின்னர்  இது  நடந்தது.

எம்ஏசிசி  சிறப்பு  நடவடிக்கை இயக்குனர் பாஹ்ரி முகமது ஸின் மற்றும்  வியூகத்  தொடர்பு  இயக்குனர்  ரொஹைசாட்  யாக்கூப் ஆகிய இருவரும் பிரதமர் துறை அலுவலகத்தில்(பிஎம்ஓ)  இன்று  வேலை  தொடங்குவதாக  இருந்தது.

“இருவரும் ஊடக  அறிக்கை  வெளியிட்டதற்கான  காரணத்தைத்  தெரிவித்தார்கள். அவர்களின்  விளக்கத்தைக்  கேட்ட  பின்னர்  அவர்கள்  பிஎம்ஓ-வுக்கு  இடமாற்றம்  செய்யப்படுவதை  இரத்துச்  செய்ய  முடிவெடுத்தேன். இன்று  தொடங்கி  அவர்கள்  பழைய  இடத்துக்கே  திரும்பிச்  செல்வார்கள்”, என  அலி  ஹம்சா  ஓர்  அறிக்கையில்  கூறினார்.