அரசாங்கம் அவசரகால  நிலையைப்  பிரகடனப்படுத்தினால்  வாரக்  கடைசியில்  நடைபெறத்  திட்டமிடப்பட்டுள்ள  பெர்சே  பேரணியில்  இராணுவம்  தலையிடும்  என்று  ஆயுதப்படைத்  தலைவர்  சுல்கிப்ளி  முகம்மட்  ஸின்  கூறினார்.

“அவசரகால  நிலை  அறிவிக்கப்பட்டால்  மட்டுமே  ஆயுதப்படை  தலையிடும்.

“பொது  ஒழுங்குக்கு  மிரட்டல் என்ற  நிலைமையில்தான்  நிலைமையைக்  கட்டுப்படுத்த நாங்கள்  போலீசின்  பணியை  மேற்கொள்வோம்”, என்றவர்   ஸ்டார்  ஆன்லைனிடம்  தெரிவித்தார்.

இப்போதைக்கு  ஆகஸ்ட் 29, 30 ஆம்  நாள்களில்  நடத்துவதற்குத்  திட்டமிடப்பட்டுள்ள  பேரணியின்போது  நிலைமைக்  கண்காணிக்க  இராணுவம்  நிறுத்தி வைக்கப்படமாட்டாது  என்று  கூறிய  சுல்கிப்ளி  பேரணியைக்  கட்டுப்படுத்தும்   பயிற்சியெல்லாம்  இராணுவத்துக்கு  அளிக்கப்பட்டிருக்கிறது  என்றார்.