மலேசியாவில்  எந்தவொரு  அரசியல்  கட்சியும்  அதன்  பாரம்பரிய  ஆதரவுத்  தளத்துக்கு வெளியில்  உள்ளவர்களின்  நலனையும்  கருத்தில்கொள்ள  வேண்டும்  அப்படிச்  செய்யாது  போனால்  தேர்தலில்  வெற்றி  பெறுவது  நடவாத  செயல்  என்கிறார்  அம்னோ  துணைத்  தலைவர்  முகைதின்  யாசின்.

“அரசியல்  கட்சிகள்  மலாய்க்காரர்கள் மற்றும்  சாபா,  சரவாக்  சுதேசி  மக்களின்  சிறப்புச்  சலுகைகள்  பற்றிக்  கேள்வி  எழுப்புவது   அவற்றுக்கு  ஆபத்தாக  முடியும். தேர்தலில்  பெரும்பான்மை  ஆதரவு அவர்களுக்குக்  கிடைக்காது.

“அதேபோல் மற்ற இனங்களின்  நியாயமான  நலன்களுக்குக்  குழிபறிக்க  முனையும்  கட்சிகள்  கணிசமான  வாக்குகளை  இழக்க  நேரும். அவற்றால்  ஒரு  தேசிய  அரசாங்கத்தை  அமைக்க  இயலாது”. திங்கள்கிழமை  சரயேவோவில்  அனைத்துலக  அமைதி  மாநாட்டில்  உரையாற்றியபோது  முகைதின் இவ்வாறு  கூறினார்.