பிரதமர் நஜிப்  அப்துல்  ரசாக்  வெளிநாடுகளில்  பயணம்  செய்யும்போது  அந்நாடுகள் அவர்மீது  நடவடிக்கை  எடுப்பதற்கு  வாய்ப்பில்லை  என்று  முன்னாள்  பிரதமர்  டாக்டர்  மகாதிர்  முகம்மட்  கூறினார்.

பணச் சலவைக்கு  எதிரான  நடவடிக்கை  என்பது  “சாமானிய  மக்கள்” மீதுதான்  எடுக்கப்படும்  என்றாரவர்.

“நான்  பணச் சலவையில்  ஈடுபட்டால்  கைது  செய்யப்படலாம். ஆனால்,  நீங்கள்  உயர் பதவியில்  இருப்பவர்  என்றால்  உங்களை  ஒன்றும்  செய்ய  மாட்டார்கள்.

“உலக நாடுகள்  எதுவும்  செய்யும்  என்று  நான்  நினைக்கவில்லை…….பிரச்னைக்குரிய  பணம்  இருப்பது   தெரிந்தால்  நாம் வங்கிக்  கணக்கை  முடக்கி  வைப்போம். ஆனால், அவர்கள்  எதுவும்  செய்யவில்லை”, என்றவர்  செய்தியாளர்களிடம்  தெரிவித்தார்.

1எம்டிபி  மீது  வெளிநாடுகளில்  நடைபெறும்  விசாரணைகள்  பற்றி  வினவியதற்கு  மகாதிர்  இவ்வாறு  கருத்துரைத்தார்.