ஐநா  பேரவைக்  கூட்டத்துக்கும்  மீலான்  நகருக்கும்  வருகை  மேற்கொண்டு  விட்டு  நாடு  திரும்பிய  பிரதமர்  நஜிப்  அப்துல்  ரசாக்கை  வரவேற்க  ஆயிரத்துக்கு  மேற்பட்டோர் கோலாலும்பூர்  அனைத்துலக  விமான  நிலையத்துக்கு  வந்திருந்தனர்.

பிரதமரையும்  அவரின்  துணைவியார்  ரோஸ்மா  மன்சூரையும்  ஏற்றிவந்த  சிறப்பு  விமானம்  காலை  மணி  9.55க்குத்  தரை  இறங்கியது.

அவரின்  ஆதரவாளர்கள்  காலை  7மணிக்கே  விமான  நிலையம்  வந்து  விட்டனர்.

அவர்கள்  “Selamat Pulang Wira Negara dan Keamanan Sejagat” (தேசிய  வீரரே உலக  அமைதிக்காக்கும்  வீரரே  வருக), “Najib Razak Pejuang Keadilan Terhadap Palestin dan Umat Islam” (பாலஸ்தீனத்துக்கும்  முஸ்லிம்களுக்கும்  நீதி  கிடைக்கப்  போராடும்  நஜிப்  ரசாக்), “Allah Selamatkan Najib Allah Selamatkan Palestin” (அல்லா  நஜிப்பைக்   காப்பானாக, அல்லா  பாலஸ்தீனத்தைக்  காப்பானாக) என்று எழுதப்பட்ட பதாதைகளை ஏந்தியிருந்தனர்.

பிரதமரை  வரவேற்க துணைப்  பிரதமர்  அஹ்மட்  ஜாஹிட் ஹமிடி,  தற்காப்பு  அமைச்சர்  ஹிஷாமுடின்  உசேன்,  தொடர்பு, பல்லூடக அமைச்சர்  சாலே  சைட்  கெருவாக்,  சுகாதார  அமைச்சர்  எஸ். சுப்ரமணியம்,  போக்குவரத்து  அமைச்சர்  லியோ  தியோங்  லாய்  ஆகியோரும்  அரசாங்க  அதிகாரிகளும் வந்திருந்தனர்.