அம்னோ  தலைவர்கள்  சிலரது  இனவாத  கருத்துகளால்  மசீச அடிநிலை  உறுப்பினர்கள்  பிரத்மர்  நஜிப்  அப்துல்  ரசாக்குடன்  உறவுகளைத்  துண்டித்துக்கொள்ள  வேண்டும்  என்று  விரும்பினாலும்  பிஎன்னை  விட்டு  வெளியேறும்  எண்ணம்  அக்கட்சிக்குக்  கிடையாது.

பிஎன்னைத்  தோற்றுவித்த  கட்சிகளில்  மசீசவும்  ஒன்று  என அதன்  தலைவர்  லியோ  தியோங்  லாய்  குறிப்பிட்டார்.

“இந்நாட்டில் மலாய்க்காரர்கள்,  சீனர்கள்,  இந்தியர்கள்  இருக்கிறார்கள். இவர்கள்  ஒருவர்  மற்றவரோடு  ஒத்துப்போக  வேண்டும். அப்போதுதான்  நாட்டை  ஆள முடியும்.

மசீச  இன  அடிப்படையில்  அமைந்த  கட்சி  என்றாலும்  அது பல்லினக்  கொள்கையைத்தான்  கடைப்பிடிக்கிறது  என்றாரவர்.

நாட்டில்  இன  விவகாரங்கள்  “மிகவும் பிரச்னைக்குரியவை”  என்ற  அளவுக்குச்  சென்று  விட்டதாகக்  கூறிய  லியோ,  பிஎன்  அதற்கு  உடனடியாக  தீர்வு  காண  வேண்டும்  என்று  கேட்டுக்கொண்டார்.

பிஎன்  இனப்  பிரச்னைகளைக்  கண்டுக்கொள்ளாமல்  இருக்க  முடியாது. சில  தரப்பினர்  சீனப்  பள்ளிகளை  மூட  வேண்டும்  என்று  கோரிக்கை  விடுவதைக்  கண்டு  மசீச  கவலை  கொள்கிறது  என்றும்  லியோ  தெரிவித்தார்.