அடுத்த  வாரம்  நாடாளுமன்றம்  தொடங்கும்போது  முதல்  நாளே  தம்மை  வந்து  அறையட்டும்  என  டிஏபி  செகாம்புட்  எம்பி  லிம்  லிப்  எங்  துணை  அமைச்சர்  தாஜுடின் அப்துல்  ரஹ்மானுக்குச்  சவால்  விடுத்துள்ளார்.

இன்று  வெளியிட்ட  அறிக்கை  ஒன்றில்  லிம்  விவசாயம்,  விவசாயம்  சார்ந்த தொழில்  துணை  அமைச்சருக்கு  இச்சவாலை  விடுத்தார்.

உள்நாட்டு  விவகாரங்கள்  தொடர்பில்  சீன  மலேசியர்கள்  வெளிநாடுகளில்  புகார்  செய்வார்களானால்  அறைபடுவார்கள்  என்று  கூறியதற்காக   மன்னிப்பு  கேட்க  தாஜுடின்  மறுத்தார்.

அவர்  அப்படிக்  கூறியதைப்  பல  தரப்பினரும்  கண்டித்ததை  அடுத்து  தாஜுடின்  என்னென்னவோ  சொல்லிச்  சமாளிக்கப்  பார்த்தார்.  அவ்வாறு  சொல்லவில்லை  என்று  மறுத்தார்.  திரித்துக்  கூறி  விட்டார்கள்  என்றார்.. அது  டிஏபி  சீனர்களை  நோக்கிக்  கூறப்பட்டது  என்றார். அது  ஒரு  “ஜோக்”  என்றுகூட  அறிவித்தார்.

தாஜுடின்   ஒரு ஆண்பிள்ளையாக  இருந்தால் சீனர்களை  அறையப்  போவதாக  மிரட்டியதை  நாடாளுமன்றத்திலும்  கூற  வேண்டும்  என  லிம்  குறிப்பிட்டார்.