அரசின்  முதலீட்டு  நிறுவனமான  1எம்டிபி, 2014ஆம்   ஆண்டுக்கான  அதன்  நிதி  அறிக்கையில்  திருத்தங்கள்  எதையும்  செய்யவில்லை  என  நிதி  அமைச்சு  கூறியது.

1எம்டிபி,  தணிக்கை  செய்யப்பட்ட  அதன்  நிதி  அறிக்கையைத்  திருத்தி  இருந்ததா  என்று  வினவிய  டோனி  புவா(டிஏபி- பெட்டாலிங்  ஜெயா  உத்தாரா)வுக்கு  கொடுத்த  எழுத்துப்பூர்வமான  பதிலில்  நிதி  அமைச்சு  இவ்வாறு  தெரிவித்தது.

1எம்டிபி  மலேசிய நிறுவனங்கள்  ஆணைய(சிசிஎம்)த்திடம்   முதலில்  தாக்கல்  செய்த  கணக்கறிக்கை இரண்டாவதாக  தாக்கல்  செய்த  அறிக்கையினின்றும்  வேறுபட்டிருந்ததா  என்பதை  புவா  தெரிந்து  கொள்ள  விரும்பினார்.

“1எம்டிபி  2014  மார்ச்  31-உடன்  முடிந்த  ஆண்டுகாக  ஒரே  ஓர்  அறிக்கையைத்தான்  திருத்தங்கள்  ஏதுமின்றி  தாக்கல்  செய்தது”, என அமைச்சு  கூறியது.

இன்னொரு  நிலவரத்தில் மலேசிய  ஊழல்  தடுப்பு  ஆணையம் எஸ்ஆர்சி  இண்டர்நேசனல்  நிறுவனத்தின்  இயக்குனர்களான  நிக்  பைசல்  அரிப்  நிக்  ஒத்மான்  கமில்,  சுபோ  முகம்மட்  யாசின்  ஆகிய  இருவரையும் “விரைவில்”  விசாரணை  செய்யும்  என்றும்  அமைச்சு  தெரிவித்தது.

எஸ்ஆர்சி  ஒரு  நேரத்தில்  1எம்டிபி-இன்  துணை  நிறுவனமாக  இருந்தது.