பிரதமர்  நஜிப்  அப்துல் ரசாக்கை  வெளியேற்றுவது  அவசியம்  என்று  பிஎன்  எம்பிகள்  நினைத்தால்  2016  பட்ஜெட்டுக்கு  எதிராக  வாக்களிக்கும்  உரிமை  அவர்களுக்கு  உண்டு  என்கிறார்  அம்னோ  மூத்த  தலைவர்  தெங்கு  ரசாலி  ஹம்சா.

“வழக்கப்படி பார்த்தால்  பட்ஜெட்டுக்கு  எதிர்ப்பாக  அவர்கள்  வாக்களிக்க  மாட்டார்கள்தான்.

“ஆனால், எதிர்ப்பு  பிரதமருக்குத்தான்  பட்ஜெட்டுக்கு  அல்ல  என்று  நினைத்தால்  அதைச்  செய்யும்  உரிமை  அவர்களுக்கு  உண்டு”, என்று  தெங்கு  ரசாலி  இன்று  நாடாளுமன்றத்துக்கு வெளியில்  செய்தியாளர்களிடம்  தெரிவித்தார்.

பட்ஜெட்டுக்கு  எதிராக  வாக்களித்து  நஜிப்பை வெளியேற்றலாம்  என்று  எதிரணியினர்  கூறியுள்ளதன்  தொடர்பில்  அரசாங்க  ஆதரவு  பிஎன்  எம்பிகளின்  நிலைப்பாடு  பற்றிக்  கேட்டதற்கு  அந்த குவா  மூசாங்  எம்பி  இவ்வாறு  பதிலளித்தார்.

பிரதமருக்கு  எதிராக  நம்பிக்கையில்லா  தீர்மானம்  கொண்டு  வருவதைவிட  இது  ஒரு  சாத்தியமான  திட்டம்  என்று  மக்களவைத்  தலைவர்  பண்டிகார்  அமின்  மூலியாவும்  கூறியுள்ளார்.

2016ஆம்  ஆண்டுக்கான  பட்ஜெட்  நாளை  மக்களவையில்  தாக்கல்  செய்யப்படுகிறது..