1எம்டிபி-யைக்  குறைகூறி  வருபவரும்  முன்னாள்  பிரதமருமான  டாக்டர்  மகாதிர்  முகமட்  பல்வேறு  திட்டங்களில்  விரயமாக்கிய  பணத்தைக்  கூட்டிப்பார்த்தால்  அது  1எம்டிபி-இன்  கடனைவிட  அதிகமாக  இருக்கும்  என  ஜி-25  உறுப்பினர்  தஃபிக்  இஸ்மாயில்  கூறினார்.

இதை  மகாதிரிடமே  நேருக்கு  நேர்  அவர்  கூறியிருக்கிறார்.

மகாதிர்  பிரதமர்  நஜிப்  அப்துல் ரசாக்கைப்  பதவி  இறக்கும்  அவரது  இயக்கத்துக்கு  ஆதரவு  தேடி  சான்றோர்  குழுவை  நாடி  அக்குழுவினருடன்  கலந்துரையாடல்  நடத்தியபோது அவரிடம்  இதனைத்  தெரிவித்ததாக தஃபிக்  குறிப்பிட்டார்.

“அவர்  1எம்டிபி-இல்  இழக்கப்பட்ட  பணத்தைப்  பற்றிப் பேசினார்.

“அப்போது  நான்  குறுக்கிட்டு  அவர் பிரதமராக  இருந்த  காலத்தில்  விரயமான  பணத்தைக்  கணக்கிட்டால்   அது  1எம்டிபி  இழந்ததாகக்  கூறப்படும்  தொகையைவிட  அதிகமாக  இருக்கும் என்று  கூறினேன்.

“அதன் பின்னர் அவர்  வாயைத்  திறக்கவில்லை”, என  தஃபிக்  நியு  ஸ்ரேய்ட்ஸ்  டைம்ஸ்  நாளேட்டுக்கு  வழங்கிய  நேர்காணல்  ஒன்றில்  கூறினார்.

சான்றோர்களுடனான  கலந்துரையாடலின்போது  பிரதமரை  நியமனம்  செய்ய  ‘மூத்தோர்  மன்றம்’ ஒன்றை  அமைக்க  வேண்டும்  என்ற  பரிந்துரையையும்  மகாதிர்  முன்வைத்தாராம்.  ஆனால்,  தஃபிக்  அதை  ஏற்கவில்லை. அது  ஜனநாயகத்துக்கும்  அரசமைப்புக்கும்  எதிரானது  எனக்  கூறிவிட்டார்.

தஃபிக்  முன்னாள்  துணைப் பிரதமர்  டாக்டர்  இஸ்மாயில்  அப்துல் ரஹ்மானின்  புதல்வர்  என்பது  குறிப்பிட்டது.