மலேசிய மனித உரிமைகள் ஆணையம் (சுஹாகாம்) தேசிய பாதுகாப்பு மன்ற சட்டவரைவு 2015 அரசமைப்புக்கு விரோதமானது எனச் சாடியுள்ளது.
“அச்சட்ட வரைவு கூட்டரசு அரசமைப்பையும் அது வழங்கும் அடிப்படை உரிமைகளையும் மீறுவதாகக் கருதுகிறேன்”, என சுஹாகாம் உதவித் தலைவர் காவ் லேக் டீ கூறினார்.
“அச்சட்ட வரைவில் மனித உரிமையைப் பாதுகாக்கும் விதிகளே கிடையாது” என்றாரவர். இன்று கோலாலும்பூரில் நடைபெற்ற 2015 மனித உரிமை தின நிகழ்ச்சி ஒன்றில் கலந்துகொண்டபோது காவ் இவ்வாறு கூறினார்.
அதே நிகழ்ச்சியில் கலந்துகொண்ட பிரதமர் துறை அமைச்சர் பால் லவ், காவின் கூற்றுக்கு எதிர்வினை ஆற்றினார்.
“அதன் சட்ட அம்சங்கள் பற்றி எனக்குத் தெரியாது. ஆனால், என்னைப் பொருத்தவரை, ஊடுருவல் என்னும்போது அங்கே உயிரிழப்பு ஏற்படலாம், தேசிய பாதுகாப்பும் அபாயத்துக்கு உள்ளாகும்.
“மனித உரிமைகள் பற்றி நிறைய பேசலாம் ஆனால், அப்படிப்பட்ட நேரத்தில் கடுமையான நடவடிக்கைகளே தேவை”, என்றாரவர்.
நாடாளுமன்றத்தால் அமைக்கப் பெற்ற மலேசிய மனித உரிமைகள் ஆணையம் சொல்வது எந்த ஒரு தே.மு. நாடாளுமன்ற உறுப்பினர் காதிலாவது விழுகின்றதா? இந்த ஆணையம் சொல்வதை மதிக்காத இந்த மரமண்டை நாடாளுமன்ற உறுப்பினர்களுக்கு எதற்கு மாண்புமிகு என்ற மரியாதை?
அதன் சட்ட அம்சங்கள் பற்றி எனக்குத் தெரியாது! என்று சொல்லி சமாதானம் சொல்லும் ஒரு மந்திரி எதற்கு செனட் சபையிலும் அமைச்சரவையிலும் இருக்க வேண்டும். மானம் ஈனம் இல்லாதவரா இந்த மந்திரி? அல்லது மதிகெட்டுப் போய் அங்கு உட்கார்ந்திருக்கின்றாரா?