நேற்று  பிற்பகல்  கோத்தா  ராயா  விற்பனை  வளாகத்தில்  நிகழ்ந்த அடிதடிச் சண்டை  தொடர்பில் 38-வயது  ஆடவர்  ஒருவரை போலீசார்  கைது  செய்துள்ளனர்.

“அவர் அந்த  விற்பனை  வளாகத்தில்  வாகன நிறுத்தமிடப்  பணியாளராக  வேலை  செய்கிறார்”, என டாங்  வாங்கி  மாவட்ட  போலீஸ்  துணைத்  தலைவர்  சுப்பிரெண்டெண்ட்  ஹபிபி  மஜிஞ்சி  தெரிவித்ததாக   த  ஸ்டார்  ஆன்லைன்  கூறிற்று.

கைபேசி  கடை  ஒன்றின்  பணியாளர்களைத்  தாக்கிய  ஒரு  கும்பலில்  அவரும்  ஒருவர்  என்ற  சந்தேகத்தின்பேரில்  போலீசார்  அவரைத்  தடுத்து  வைத்துள்ளனர்.

அவர்தான்  அங்குள்ள  கடைக்காரரால்  ஏமாற்றப்பட்டதாக  சொல்லப்படுகின்றவரா  என்பதையும்  போலீஸ்  விசாரணை  செய்து  வருகிறது.

நேற்று, அங்குள்ள கைபேசி  விற்பனை  செய்யும்  ஒரு  கடையில்  வாடிக்கையாளர் ஒருவர்  ஏமாற்றப்பட்டார்  என்று  கூறப்படுகிறது.  அதைக்  கேட்பதற்கு  சுமார்  20பேர்  அக்கடையை  முற்றுகையிட  அது அடிதடியில்  முடிந்திருக்கிறது