டாக்டர் மகாதிர் முகம்மட், ரிம 2.6 பில்லியன் அரசியல் நன்கொடை, எஸ்ஆர்சி இண்டர்நேசனல் நிறுவனத்திலிருந்து பிரதமர் நஜிப் அப்துல் ரசாக்கின் கணக்குக்கு மாற்றிவிடப்பட்டதாகக் கூறப்படும் ரிம42 மில்லியன் ஆகியவை பற்றிய விசாரணைகளின் முடிவுகள்மீது சட்டத்துறைத் தலைவர் அலுவலகம் நடவடிக்கை எடுக்காது என்று நினைக்கிறார்.
அவ்விரு விவகாரங்கள்மீதும் மலேசிய ஊழல்தடுப்பு ஆணையம் (எம்ஏசிசி) தாக்கல் செய்த புலன் விசாரணை அறிக்கைகளைச் சட்டத்துறைத் தலைவர் முகம்மட் அப்பாண்டி அலி பொருட்படுத்த மாட்டார் என முன்னாள் பிரதமர் கூறினார்.
இதற்குமுன் 1எம்டிபிமீதான பேங்க் நெகாராவின் அறிக்கையையே ஒதுக்கித் தள்ளியவர் அப்பாண்டி. இப்போதும் அதுதான் நடக்கப் போகிறது என்றாரவர்.
“நான் நினைக்கிறேன் அபாண்டி இதை (எம்ஏசிசி அறிக்கையை) நிராகரிப்பார் என்று. இது என்னுடைய ஊகம் ”, என மகாதிர் ஃப்ரி மலேசியா டூடே-க்கு வழங்கிய நேர்காணலில் தெரிவித்தார்.
“முன்பு பேங்க் நெகாராவும் அதன் (1எம்டிபி மீதான) அறிக்கையைக் கொடுத்தது என்று நம்புகிறேன். பேங்க் நெகரா ஒன்றும் சாதாரண அமைப்பல்லவே.
“துல்லியமாக விசாரணை செய்த அவர்களுக்கு விவகாரத்தை நீதிமன்றத்துக்குக் கொண்டு செல்வதற்கு ஏதோ ஆதாரம் கிடைத்திருக்கிறது. ஆனால், ஏஜி ஒரேயடியாக ஒதுக்கித் தள்ளி விட்டார்.
“அதனால் இந்த அறிக்கையையும் ஏஜி நிராகரித்தால் நான் ஆச்சரியப்பட மாட்டேன்”, என்று மகாதிர் குறிப்பிட்டார்.
நீ ஆச்சரியப்பட்ட என்ன படாட்டி என்ன? உன் ஆட்சியில் மக்களை ஏப்பம் விட்டு சேர்த்த சொத்துகக்களை வைத்துகொண்டு உன் மகன்கள் ஆடும் ஆட்டம் விரைவில் முடிவுறும்!
ஐயோ!!! வகிக்கும் பதவியே அவன் கொடுத்த பிச்சை!! வரம் கொடுத்த சாமியையே தண்டிப்பதா?? ஏற்கனவே இருந்த தலைவரை கழற்றி விட்டதுபோல் என் நிலைமையும் ஆகாதென்பதற்கு என்ன உறுதி?? எது எப்படியோ, காலத்தை கவனமாக ஆமை வேகத்தில் நகர்த்த வேண்டியதுதான்!!!
பாம்பின்கால் பாம்பறியும்,நாராயண நாராயண.
மகாதிரே ! நீங்கள் காட்டிய வழிதானே இது !!! இவர்களுக்கெல்லாம் நீங்கள் தானே மன்னாதி மன்னன் ! மறந்து விட்டீர்களா ?
எல்லாம் மூன்றாம் உலக புத்தி. பொய் சொல்லியே அதிகாரத்தில் பதவியை வைத்துக்கொள்ள உத்தி.
எம்மாடியோ வாய திறந்தாலே பண வாடைதான் .
இந்த நிலை உருவானதற்கு உங்களுடைய பங்கும் உள்ளது என்பதனை மறந்துவிடாதீர் காகாதிரே.நீங்கள் தொடங்கியது இன்று தொடர்கின்றது.உங்களுடைய ஆட்சியில் அணைத்து மக்களையும் அரவணைத்து சம நிலையில் ஆட்சி நடத்தியிருந்தால் இன்று நாட்டிற்கு இந்த நிலைமை இல்லை.ஒரு சாரருக்கே முக்கியத்துவம் வழங்கியதன் விளைவு இன்றைய நாட்டின் சூழ்நிலை.