1எம்டிபி-இலிருந்து  சுமார்  ரிம4 பில்லியன்  சுவீஸ்  வங்கிகளுக்குத்  தவறான  முறையில்  மாற்றிவிடப்பட்டிருக்கலாம்  என  சுவீஸ்  சட்டத்துறைத்  தலைவர்(ஏஜி)  சந்தேகப்படுகிறார்.

“சந்தேகத்துக்கிடமான  முறையில்  1எம்டிபி-இன்  பணம் சுவீஸ்  வங்கிகளுக்கு  மாற்றிவிடப்பட்டிருப்பதற்கு  ஆதாரங்கள்  உள்ளன.  இத்தகவலை  மலேசிய  அதிகாரிகளுடன்  பகிர்ந்துகொள்வது  முக்கியம்  என்று  எண்ணுகிறோம்”, என  சுவீஸ்  ஏஜி  ஓரி  அறிக்கையில்  தெரிவித்ததாக  த  வால்  ஸ்ட்ரிட் ஜர்னல்  கூறியது.

1எம்டிபி  ஸ்வீஸ்  நாட்டுச்  சட்டத்தை  மீறியதா என்று  விசாரணை  செய்வதாகவும்  அதற்கு  மலேசியாவின்  உதவியை  நாடியிருப்பதாகவும்  அவர்  சொன்னார்.

சுமார் ரிம4 பில்லியன்  இதில்  சம்பந்தப்பட்டிருக்கலாம்  என்றவர்  ஐயுறுகிறார்.

இதற்கு  எதிர்வினையாற்றிய  1எம்டிபி  வெளிநாட்டுச்  சட்ட  அதிகாரிகள்  யாரும்   இதுவரை  தன்னைத்  தொடர்பு  கொள்ளவில்லை  என்றும்  தொடர்பு  கொண்டால்  ஒத்துழைக்கத்  தயார்  என்றும்  கூறியது.