கட்டுமானத் துறைக்கு உள்நாட்டவரை ஈர்ப்பதற்காக அத்துறை சமபந்தப்பட்ட வேலைகளுக்குச் சம்பளத்தை உயர்த்தினால் வீடுகளின் விலையும் உயரும் என்று இளைஞர், விளையாட்டு அமைச்சர் கைரி ஜமாலுடின் கூறினார்.
“அழுக்குப் பிடித்த வேலைகளை”ச் செய்யத் தயாரா என்று துணைப் பிரதமர் அஹ்மட் ஜாஜிட் ஹமிடி விடுத்த சாவாலை உள்நாட்டவர் ஏற்க வேண்டுமானால் குறைந்தபட்ச சம்பளத்தைக் கூட்ட வேண்டும் என்று வலியுறுத்தப்பட்டிருப்பதற்கு எதிர்வினையாக கைரி இவ்வாறு கூறியுள்ளார்.
“வளர்ந்த நாடுகளில் கட்டுமான வேலைகளுக்கு உயர்ந்த சம்பளம் கொடுக்கப்படுவதாகக் கூறப்படுகிறது. அதனால் அந்ந்நாட்டவர் அந்த வேலைகளை விரும்பிச் செய்கிறார்கள்.
“தொழிலாளர் சம்பளம் உயர்வ்வாக இருப்பதால் அங்கு வீடுகளின் விலையும் உயர்வாக இருக்கிறது”, என கைரி டிவிட்டரில் பதிவிட்டிருந்தார்.
