அரசுத்  தொடர்புள்ள   எஸ்ஆர்சி இண்டர்நேசனல்  நிறுவனத்திலிருந்து  பிரதமர்  நஜிப்  அப்துல்  ரசாக்கின்   வங்கிக்  கணக்குக்குப்  பணம்  மாற்றிவிடப்பட்டதற்கான  ஆதாரங்கள்  தம்மிடம்  காண்பிக்கப்பட்டதாக  இடைநீக்கம்  செய்யப்பட்ட  அம்னோ  துணைத்  தலைவர்  முகைதின்  யாசின்  கூறுகிறார்.

அந்த  ஆதாரங்களிலிருந்து  ஒரு  குற்றச்செயல்  நிகழ்ந்திருப்பது  தெளிவாக  தெரிகிறது  என்றாரவர்.

“எஸ்ஆர்சி  இண்டர்நேசனலிலிருந்து நஜிப்பின்  வங்கிக்  கணக்குக்குப்  பணம்  மாற்றிவிடப்பட்டிருப்பதாக  முன்னாள்  சட்டத்துறைத்  தலைவர் (அப்துல்  கனி  பட்டேல்)  என்னிடம்  தெரிவித்தார்.  அது  ஒரு  குற்றச்செயல்தான்  என்பதற்கான ஆதாரங்களையும்  காண்பித்தார்”, என  முகைதின் கூறினார்.