பிரதமர் நஜிப் பதவியிலிருந்து  அகற்றப்பட்டால், அவரின் இடத்தில் அமர்வதற்கு முன்னாள் எதிரணித் தலைவர் அன்வார் இப்ராகிம், முன்னாள் பிரதமர் மகாதீர் முகமட் மற்றும் சிலாங்கூர் மந்திரி புசார் அஸ்மின் அலி ஆகிய மூவரும் தகுதியுடையவர்கள் என்று முன்னாள் சட்டத்துறை அமைச்சர் ஸைட் இப்ராகிம் கூறுகிறார்.

அடுத்த பொதுத் தேர்தலில் அம்னோ கவிழ்க்கப்பட்டால், அரசாங்கத்தை வழிநடத்துவதற்குத் தேவையானவை எனக் கருதப்படுவதை இம்மூவரும் கொண்டிருக்கின்றனர் என்றாரவர்.

அன்வாரோ, மகாதீரோ பிரதமர் ஆகலாம். புதிய முகமான அஸ்மின் ஒரு நல்ல தலைவர். அமனாவிலும் சிலர் இருக்கின்றனர். அம்னோவில்கூட, முகைதின் யாசின் இருக்கிறார் என்று மலேசியாகினி, எப்எம்டி மற்றும் பெரித்தா டெய்லி ஆகியவற்றுக்கு இன்று கூட்டாக அளித்த நேர்காணலில் ஸைட் இப்ராகிம் இவ்வாறு கூறினார்.