ஜனநாயகத்தின்  வழிதான் ஐஎஸ்ஸை  வீழ்த்தி   மத்திய  கிழக்கில்  அமைதியை  நிலைநாட்ட  முடியும்  என  முன்னாள்  எகிப்திய  எம்பி  அப்துல் மவ்குட்  டார்டரி  கூறினார்.

சர்வாதிகார  ஆட்சிகளும்  பயங்கரவாதமும்  ஒன்று  மற்றொன்றை  வாழவைத்துக்  கொண்டிருப்பதாக  அவர்  சொன்னார்.

சர்வாதிகாரம்  நிலவும்போது  மக்கள்  அதை  எதிர்க்க  வன்முறையை  நாடுகிறாரகள். ஆனால், வன்முறை  தீர்வாக  அமைவதில்லை.

வன்முறையே  ஆட்சியும்  அதன்  அடக்குமுறைகளும்  நியாயமானவைதான்  என்று  கூறுவதற்கு  உதவியாக  அமைந்து  விடுகிறது.

“அமைதி  ஏற்பட  ஜனநாயகம்  ஒன்றே  வழி. அதனைக்  கொண்டுதான்  ஐஎஸ்-ஸையும்   அடக்குமுறையையும்   தோற்கடிக்க  முடியும்”, என்றார்.

“பிரச்னைக்குக்  காரணம் ஐஎஸ்  அல்ல, அது  பிரச்னையின்  அறிகுறிதான். பிரச்னைக்குக்  காரணம்  அடக்குமுறைகளும்  அடக்குமுறை  ஆட்சிகளும்தான்.  நாம் ஒன்றிணைந்து  பாடுபட்டால்  ஐஎஸ்-ஸையும்  அடக்குமுறையையும்  தோற்கடிக்க  முடியும்”,  என  நேற்றிரவு  கோலாலும்பூரில்   உரையாற்றியபோது  அப்துல்  மவ்குட்   கூறினார்.

அவருடைய  சொற்பொழிவுக்கு  டிஏபியும்  டிஏபியுடன்  தொடர்புகொண்ட   சிந்தனைக்  குழுவும்  ஏற்பாடு  செய்திருந்தன.