பிரதமர்  நஜிப்  அப்துல் ரசாக்குக்கு  நாட்டை  வழிநடத்த  வலுவான  அதிகாரம்  கொடுக்கப்பட்டிருக்கிறது  என்பதால்  அவர்  பதவி  விலக  வேண்டிய  தேவையில்லை  என்கிறார்  பார்டி  ஈக்காத்தான்  பங்சா  மலேசியா  தலைவர்  அப்துல்  காடிர்  ஷேக்  பாட்சிர்.

பாஸ்  கட்சியுடன்  புதிய  அரசியல்  கூட்டணி  அமைத்துக்  கொண்டிருக்கும்  அப்துல்  காடிர்,  நஜிப்பின்  பதவி  விலகலைக்  கோரும்  மக்கள்  பிரகடனம்  குறித்து  கருத்துரைத்தபோது  அவ்வாறு  கூறினார்.

உத்துசான்  மிங்குவான்  மலேசியாவுக்கு  வழங்கிய  நேர்காணலில்  அப்துல்  காடிர்,  பிஎன்னுக்கு  நாடாளுமன்றத்தில்  பெரும்பான்மை  ஆதரவு  இருப்பதைச்  சுட்டிக்காட்டினார்.

“மூன்றில்  இரண்டு  பங்கு  பெரும்பான்மை  இல்லை  என்றாலும்  கிட்டத்தட்ட  மூன்றில் இரண்டு  பங்கு  எம்பிகளின்  ஆதரவுடன்  அதாவது  நாடு  முழுவதும்  உள்ள   மூன்றில்  இரண்டு  பங்கு   மக்களின்  ஆதரவுடன்   பிஎன்  ஆட்சி  செய்கிறது.

“பிஎன்னில்  உள்ள  14  கட்சிகளும்  நஜிப்  நாடாளுமன்றத்  தலைவராக  இருப்பதை  விரும்புகின்றன. அம்னோ  தொகுதித்  தலைவர்கள்  95 விழுக்காட்டினர்  அவருக்கு  ஆதரவாக  உள்ளனர்.

“மக்களின்  அந்த  உரிமையைம்  மறுக்க  நாம்  யார்?”, என்றவர்  வினவினார்.