பகாங், பெர்செராவிலிருந்து பாக்சைட்- எதிர்ப்பாளர்கள் 30பேர் அம்மாநிலத்தில் தூய்மைக்கேட்டுக்கு எதிர்ப்புக்குத் தெரிவிக்க 17-நாள் 340 கிலோ மீட்டர் நடந்தே வந்து இன்று நாடாளுமன்றம் சேர்ந்தனர்.
#red2green group என்ற பெயரைக் கொண்ட அக்குழுவினர் தூய்மைக்கேடு அறவே இல்லை என்பதை உறுதிப்படுத்த ஒரு வழிமுறை காணப்படும்வரை பாக்சைட் எடுப்பதற்கான இடைநிறுத்தத்தை நீட்டிக்க வேண்டும் என்று கேட்டுக்கொள்ளும் மகஜர் ஒன்றையும் கொண்டு வந்திருந்தனர்.
மகஜரை இயற்கைவள சுற்றுச்சூழல் அமைச்சின் தலைமை உதவிச் செயலாளர் முகம்ம நஸிப் ஜமாலுடினிடம் அவர்கள் ஒப்படைத்தனர்.
அவர்களுக்கு உதவியாக இருந்துவரும் குவாந்தான் எம்பி புசியா சாலே, அக்குழுவினர் சுற்றுச்சூழல் பாதுகாப்பின் பொருட்டு நடந்தே வந்திருப்பதையும் நடந்துவரும்போது அவர்களுக்கு ஏற்பட்ட பல்வேறு இடர்களையும் அரசாங்கம் கருத்தில் கொள்ள வேண்டும் என்று வலியுறுத்தினார்.
