சவூதி  இளவரசர்  ஒருவர்  பிரதமர்  நஜிப்  அப்துல்  ரசாக்கிடம்  யுஎஸ்$375 மில்லியனை   அன்பளிப்பாகக்  கொடுத்தார்  என்பது   உண்மைதானா  என்பதை  முதலில்  சரிபார்த்துக்  கொள்ள  வேண்டும்  என்று   விவசாயம்,  விவசாயம்  சார்ந்த தொழில்  துணை  அமைச்சர்  தாஜுடின்  அப்துல்  ரஹ்மான்  கூறினார்.

“அது  உண்மையா,  பொய்யா  என்பது  தெரியவில்லை.

“இது  நஜிப்மீது  அதிருப்தி  கொண்டவர்கள்  கண்ணை  மூடிக்கொண்டு  சொன்ன  குற்றச்சாட்டாக  இருக்கலாம்”, என்றவர்  செய்தியாளர்களிடம்   கூறினார்.

யுஎஸ்375 மில்லியன்  அன்பளிப்பு  பற்றி  நஜிப்கூட  இதுவரை  குறிப்பிட்டதில்லை என  தாஜுடின்   சொன்னார்.

அன்பளிப்புப்  பற்றிக்  குறிப்பிடும்  சவூதி  இளவரசரின்  கடிதமொன்றை  ஆஸ்திரேலிய   ஒலிபரப்புக்  கழகம்  வெளியிட்டிருப்பது  குறித்துக் கருத்துரைத்தபோது  தாஜுடின்  இவ்வாறு  கூறினார்.