-மு. குலசேகரன், ஏப்ரல் 2, 2016.
மாரா பூமிபுத்ராக்களுக்கென 1ஆம் தேதி மார்ச் 1966ல் புறநகர் வட்டார மேம்பாடு அமைச்சின் கீழ் ஆரம்பிக்கப்பட்டு இன்று 10 லட்சம் பூமிபுத்ரா வணிகர்களை உருவாக்கியுள்ளது .மேலும் அதன் வழி 12 லட்சம் பட்டதாரி மாணவர்கள் உருவாக்கப்பட்டிருக்கிறார்கள். இவற்றை எல்லாம் மலாய்க்காரர்களையும் பிற பூமிபுத்ராக்களையும் மற்ற இனங்களுக்கீடாக சமூக, கல்வி, பொருளாதார ரீதியில் முன்னேற்றம் அடைந்தவர்களாக்க வேண்டும் என்ற நோக்கத்தில் அன்று அரசாங்கம் போட்ட திட்டத்தினால்தான் செய்ய முடிந்தது.
மலேசிய இந்தியச் சமுதாயமும் சுதந்திரம் பெற்றதிலிருந்து பரவலாக முன்னேறியிருந்தாலும், மற்ற சமூகத்தினருடன் ஒப்பிடுகையில் இன்னும் பின்தங்கியே இருக்கிறோம். நமது பொருளாதாரம் நாட்டின் மொத்த சொத்துடைமையில் 1.5% கூட எட்டவில்லை. கல்வித் தரத்தில் மற்ற இனத்துடன் போட்டிபோடும் ஆற்றலை இழந்து நிற்குகிறோம். ஆங்காங்கே நமது மாணவர்கள் சிறப்பு தேர்ச்சி பெற்று இனத்துக்கும் நாட்டிற்கும் பெருமை சேர்த்தாலும் , ஒட்டு மொத்த அளவில் நமது கல்வி முன்னேற்றம் ஆரோக்கியமானதாக இல்லை.
மாரா போன்ற ஒரு தனி நிறுவனம் ஒன்றினை மலேசிய இந்தியர்களுக்கென அமைக்கும் நேரம் கனிந்துவிட்டது என்று நினைக்கிறேன். அதற்குத் தனியாக கல்விக்கூடங்கள், பொருளாதாரத்தைப் பெருக்கத் திட்டங்கள், அதற்கேற்ற அதிகாரங்கள் அனைத்தும் வழங்கப்பெற்ற ஒரு தனி அமைப்பு இந்தியர்களுக்கும் அமைக்கப்பட வேண்டும். இதன் வழி இந்தியர்களின் கல்வி, சமூக, பொருளாதார வளர்ச்சியை வழி நடத்தும், பாதுகாக்கும் இந்தியர் சம்பத்தப்பட்ட அனைத்து நடவடிக்கைகளையும் ஒருங்கிணைக்கும் ஒரு மைய தாய் அமைப்பாக இது இருக்க வேண்டும்.
இதற்கு சரியான மூல வேராக செடிக் எனப்படும் இந்திய சமூக, பொருளாதார மேம்பாட்டுத் திட்டப் பிரிவை அரசாங்கம் பயன் படுத்த வேண்டிய தருணம் வந்துவிட்டது. இதனை விரிவாக்கம் செய்து மாரா போன்றே அதற்கு தனி அதிகாரங்களை வழங்கி இந்தியர்களை கல்வியிலும் பொருளாதாரத்திலும், வியாபாரத்திலும் தலைமைத்துவத்திலும் முன்னேற வழி செய்யவேண்டும்.
கல்விக் கென்று தனியாக மாரா தொழிநுட்பக் கல்லூரிகள், பல்கலைக்கழகங்கள் வைத்திருப்பது போன்று “செடிக்” தனியாக இந்தியர்களுக்கென்று ஓர் இடத்தை தேர்வு செய்து அங்கு தொழில்நுட்பம், திறன் பயிற்சிக் கழகம், பல்கலைக்கழகம் என அனைத்தும் ஓரிடத்தில் அமையப் பெற ஏற்பாடு செய்யவேண்டும் .
அதற்குத் தேவையான இடம் இப்பொழுது உள்ள ஏய்ம்ஸ்ட் பல்கலைக்கழகம் என நான் நம்புகிறேன். ஏற்கனவே உள்ள பொது மருத்துவம், பல் மருத்துவம், மருந்தகம் போன்ற துறைகளோடு மேற்சொன்ன துறைகளும் ஆரம்பிக்கப்பட்டு இந்தியர்களுக்கென தனி கல்வி மையமாக ஏய்ம்ஸ்ட் செயல்படலாம்.
ஏய்ம்ஸ்ட் பல்கலைக்கழகம் செடிக்கின் கீழ் வர வேண்டும்
ஏய்ம்ஸ்ட் தனி நபருடையதா? ஒரு நிறுவனத்திற்கு சொந்தமானதா? அல்லது ம.இ.காவின் சொத்தா? என பல சர்ச்சைகள் இப்பொழுது 
போய்க்கொண்டிருகின்றன. யார் அதன் உண்மையான உரிமையாளர் என்று அதன் நதி மூலம் ரிஷி மூலம் ஆராய்ந்தால் உண்மையில் அது மக்களின் சொத்து. அது. மக்களுக்குத்தான் போய்ச் சேர வேண்டும் என்பது தெரியும். ம.இகா அன்று அதன் ஒவ்வொரு கிளையிடமிருந்து ஒரு சிறு தொகையைப் பெற்றது. ஆனால், அரசாங்கம் கொடுத்தது ஏறக்குறைய 50 கோடி ரிங்கிட். மேலும் ஏய்ம்ஸ்ட் அமைந்துள்ள நிலத்தை இலவசமாக கெடா அரசாங்கம் வழங்கியிருந்தது குறிப்பிடத்தக்கது. ஆக, இந்தியர்களுக்காக அரசாங்கம் கொடுத்த நிதியில்தான் இப்பொழுது ஏய்ம்ஸ்ட் பல்கலைக்கழகம் பணம் சம்பாதித்து ஒரு குறிப்பிட்ட சிலரின் கஜானாவை நிரப்பிக் கொண்டு வருகிறது.
அரசாங்கப் பணம், மக்கள் வரிப்பணம். ஆகவே ஏய்ம்ஸ்ட் பல்கலைக்கழகம் மக்களுக்கு போய்ச்சேர வேண்டுமானால் , அது செடிக் என்கின்ற, இந்திய சமூக பொருளாதார மேம்பாட்டுத் திட்டப் பிரிவின் கீழ் வருவதே முறையாகும்.
இந்தியர்களுக்கென ஒதுக்கப்பட்ட நிதி அதன் இலக்கை அடைந்ததா என்று கண்காணிக்கும் தார்மீகக் கடமை இந்த அரசாங்கத்திற்கு உள்ளது. அதற்கொப்ப இத்திட்டம் செயலாக்கம் காண “செடிக்” கிற்கு வித்திட்ட பிரதமர் நஜிப்தான் முன்வரவேண்டும்.
எல்லாம் சரி தான்! நான் வரவேற்கிறேன்.ம.இ.கா. தலைவர்கள் அப்படி ஒன்றும் இளிச்சவாயர்கள் இல்லையே! கெடுப்பதற்கென்றே பிறந்தவர்கள் அவர்கள். அப்படி ஒரு ராசியில் பிறந்த ஜென்மங்கள்!…….பார்க்கலாம்!
தற்போதய ஆட்சியில் இதெல்லாம் நடக்காதகாரியம் ஏனென்றால் மலேசிய இந்தியர்களின் தாய்கட்சி என்று கூறிகொள்பவர்கள் அதன் தலைவர்கள் எந்த ஒரு முயற்சியும் செய்வதாகவும் தெரியவில்லை ஒரு வேலை ஆட்சி மாறினால்……….!! எதிபார்ப்பு நம்மிடையே அதிகம் பொறுத்திருந்து பார்ப்போம்.
இந்தியர்களுக்கு பாரிசான் அரசு அதை செய்யவில்லை, இதை செய்யவில்லை என்று ‘தண்ணி’ போட்டவனை போல நன்னாவே கேள்வி எழுப்புகிறீகள். நல்லது. நாட்டிலேயே அதிகம் செல்வம் கொழிக்கும் மாநிலங்களான சிலாங்கூரும், பினாங்கும் நீங்கள்தானே வைத்துள்ளீர்கள். இந்தியர்களுக்கான உங்கள் திட்டம்தான் என்ன? At least ஒன்றுக்கும் உதவாத Gelang Patah பிரகடனம் போன்று எதையாவது வைத்துள்ளீரா? செத்த பாம்பான ம.இ.கா. வையே எவ்வளவு காலமாக அடித்துக் கொண்டிருப்பீர்கள்.?
நீங்கள் குறிப்பிட்ட நல்ல விடயங்கள் நடைபெற வேண்டுமென்றால், ம.இ.கா வில் பதவியில் உள்ள அத்தனை பேரையும் பதவியை விட்டு வீட்டுக்கு விரட்டவேண்டும். அதற்கு இன்னொரு எழுச்சிப் பேரணி தேவைப்படலாம். காலம் கனியும்.
ம.இ.கா , ம.இ.கா , ம.இ.கா, என்று கோஷம் போட்ட வாயெல்லாம் மிகக்குறுகிய காலத்திலேயே செடிக்,செடிக் ,செடிக் என்று ! அதுவும் குலா வாயால் !! ஷாபாஸ் பேராசிரியர் டத்தோ டாக்டர் , N .S . இராஜேந்திரன் அவர்களுக்கு !!!
மஇகா தலைவர்களுக்கு தங்கள் கட்சியின் மீதே நம்பிக்கை இல்லை. அதனால்தான் ஆளாளுக்கு ஒரு என்ஜிஓவை ஆரம்பித்து அரசாங்கத்திடமிருந்தும் செடிக்கிடமிருந்தும் மானியம் பெற்று மஞ்சள் குளித்துக் கொண்டிருக்கிறார்கள். சமுதாயத்திற்கு சேவை செய்கிறோமோ இல்லையோ நாலு பேர் சேர்ந்து ஒரு என்ஜிஓவை அமைத்தால் அரசாங்கத்திடமிருந்து நல்லா காசு பார்க்கலாம் என்ற எண்ணம் எல்லோருக்கும் ஏற்பட்டு விட்டது.
singam ! உண்மையை சொன்னிர்கள், குலா அவர்கள் நமக்கு இப்படி சொல்லி மலிவான விளம்பரம் தேடிகொல்வதை விட , சிங்கம் கூறியதுபோல் பினாங்கும் , சிலாங்கூரும் இவர்கள் கைகளில் இருக்கும்போது இந்திய சமூதாயதுக்காக எவ்வளவோ செய்யலாம் . இந்த இரண்டு மாநிலத்திலும் இவர்கள் ஆட்சிக்கு வந்த பிறகு, மாநில அரசாங்க வேளைகளில் நமது சமூகத்தின் விழுக்காடு உயர்ந்து உள்ளதா ? MARA வை போல் ஒரு அமைப்பு வேண்டும் என்கிறிர்கள் , இப்போதே எதிர்கட்சியில் இருக்கும் நீங்கள் அதற்காக ஒரு சிறு அடித்தளம் அமைத்தீர்கலானால், எதிர்காலத்தில் ஆட்சியை பிடிக்கும்போது அதை பலப்படுதிக்கொள்ளலாம் அல்லவா ! நாளை பெரிய ஆலமரமாக வளரவேண்டும் என்றால் இன்று இரண்டு இலையாவது இருக்க வேண்டும் அல்லவா ? இப்போதெல்லாம் எதிர்கட்சிக்காரர்கள் என்ன செய்கிறிர்கள் , முன்பு அரிசியும் பருப்பும் ம.இ.கா தலைவர்கள் கொடுத்தார்கள் என்று கேளிசெய்திர்கள் ! இன்று ஏழைகளுக்காக நீங்களும் அதையே செய்கிறிர்கள் . சமீபத்தில் ஒரு நாளேட்டில் அடைப்பட்டு இருந்த சாக்கடையை சுத்தம் செய்தார் ஒரு எதிர்க்கட்சி சட்ட மன்ற செயலாளர் என்ற செய்தி அவரின் படத்தோடு வெளிவந்திருந்தது ! நல்ல விஷயம் தான். இந்த சாதாரண வேலையை மலாய்கார கம்பத்தில் ஒரு கேத்துவா கம்போங் , கோதொங் ரோஹ்யோங் ( GOTONG ROYONG ) முறையில் அங்குள்ள மக்களை அழைத்து இந்த காரியத்தை எந்த ஒரு மலிவான விளம்பரமும் இல்லாமல் செய்துவிடுவார் ! இந்திய சமுதாயம் உங்களிடம் எதிர்பார்ப்பது இதுவல்ல ! தேசிய அளவில் இந்த சமுதாயத்துக்காக பெரிதாக எதையாவது செய்ய முடியுமா என்று சிந்தியுங்கள் !! அப்படி செய்வதற்கு நிறைய காரியங்கள் உள்ளது !!!
இப்போது மனத்தந்தி மூலமாக நான் மிஸ்டர் குலாவிடம் பேசவிரும்புகிறேன் ! ” மாண்புமிகு குலா அவர்களுக்கு என் இனிய வணக்கம் ! SEDIC இயக்கம் MARA வைபோல் பேரியக்கமாக மாறி இந்திய சமூதாயத்தை உயர்த்த வேண்டும் என்ற உங்களின் மிக உயர்வான எண்ணம் ஈடேற எனது வாழ்த்துக்கள். செடிக் , JABATAN PERDANA MENTERI யின் கீழ் இயங்கும் ஒரு பாரிசான் சார்பு நிர்வாகம் . எதிர்கட்சியில் இருக்கும் நீங்கள், செடிக் நிர்வாகத்தை நம்பி இப்படி ஒரு அருமையான ஐடியாவை கொடுத்திருப்பது , இந்திய சமூதாயத்தின் மேல் உங்களுக்கு இருக்கும் அதீத பற்றை புலப்படுத்துகிறது என்றால் அது மிகையாகாது ! செடிக்கை போன்று படிக்கென்று ஒரு இயக்கம் எதிர்க்கட்சி மூலமாக அமைக்க முடியாது என்று நன்கு புரிந்துகொண்டதால் தான், நீங்கள் செடிக் அமைப்புக்கு ஆதரவாக இந்திய சமூதாயத்திற்கு சாதகமாக எழுதியிருகிறிர்கள் என்று எண்ணத்தோன்றுகிறது ! அப்படியானால் உங்களுக்கு நான் ஒரு ஐடியா ! கொடுக்க ஆசைப்படுகிறேன் !! பேசாமல் எதிர்கட்சியில் இருந்து வெளியாகி, பேராசிரியர் இராஜேந்திரனுடன் சேர்ந்து செடிக் அமைப்பை இன்னும் பலப்படுதலாமே ! கொஞ்சம் கசப்பாகத்தான் இருக்கும், முயற்சி செய்து பாருங்கள் !! எங்களுக்காக இதைகூடவா செய்ய முடியாது !!!
குலா நீங்கள் இப்படிக் கூட செய்யலாம். பினாங்கு, சிலங்கூர் மாநிலம் உங்கள் கையில். இந்த இரண்டு மாநிலங்களிலும் செடிக் போன்ற ஒரு அமைப்பை உருவாக்கி இந்தியர்கள் வர்த்தகத்தில் மேம்பாடைய எங்களுக்கு ஒரு வழியைக் காட்டலாமே! கல்வி, மத்திய அரசாங்கத்தின் கையில். அங்கே கை வைக்க முடியாது. பொருளாதாரம் நீங்கள் செய்யலாமே! எத்தனை நாளைக்குத்தான் அவர்கள் கையை எதிர்பார்ப்பது? இருக்கிற வசதிகளை வைத்துக்கொண்டு நீங்கள் செய்ய வேண்டியதை நீங்கள் செய்யலாமே! மனம் இருந்தால் மார்க்கம் உண்டு!
சகோதரர் சிங்கம்,தாப்பா பாலாஜி,ஆப்ரகாம்டேராப் ஆகியோரின் கருத்துத்துக்கள் வரவேர்ககூடியவே மாண்புமிகு குலா அவர்களே! அரைத்த மாவையே அரைத்துகொண்டிருக்காமல் சிலாங்கூர் மற்றும் பினாங்கு உங்கள் ஆட்சிதானே முதலில் இந்த இரண்டு மாநிலங்களில் மேலே நீங்க கூறிய திட்டத்தை முழுமையாக அமல்படுத்துங்கள்……..மக்கள் கூட்டணிக்கு வாக்களித்தவர்கள் நன்மையையும் நம்ப்பிக்கையும் பெற வாய்ப்புண்டு வரும் அடுத்த பொது தேர்தலுக்கு.
தம்பி குலசேகரா! உங்கள் கட்சியில் ‘KOTINDAK’ என்கிற ஒரு நிதி நிர்வாகம் உண்டு. கட்சி உறப்பினர்களின் நிதியின் வழி இது நடத்தப்படுகிறது, சில ஏழை, எளிய கட்சி உறுப்பினர்கள் பிள்ளைகளின் கல்விக்காக நிறைய நிதி உதவிகளை செய்து வருகிறது. இந்த ‘KOTINDAK’ மூலமாக, பினாங்கு மற்றும் சிலாங்கூர் மாநிலங்களின் நிதி உதவிப் பெற்று, நீங்கள் நினைக்கும் MARA வை போன்று இந்தியர்களுக்கென்று ஓர் உதவிக் கர அமைப்பை துவக்கினால் என்ன? மற்றொரு விஷயம். இந்தியர்களை கொண்டு போய் உச்சியில் நிறுத்தப்போவதாகக் கூறி, சென்ற பொதுத்தேர்தலின் போது, GELANG PATAH பிரகடனம் ஒன்றை அறிவித்தீர்களே, அது என்னவாயிற்று?
TAPAH BALAJI,abraham terah! நல்ல யோசனை சொன்னீர்கள்.
கருவூலத்தை தனது ஆதிக்கத்தில் கொண்டுள்ள மத்திய அரசு இந்தியர்களின் வளர்ச்சிக்காக மாரா போன்ற ஒரு கலகத்தை இந்தியர்களின் வளர்ச்சிக்காக அமைக்க வேண்டுமென்பதே அன்பர் குலாவின் கோரிக்கை!!!!