இடைநீக்கம்  செய்யப்பட்ட  அம்னோ  துணைத்  தலைவர்  முகைதின்  யாசின்   முன்னாள்  அமைச்சர்  என்ற  முறையில்  1எம்டிபி-இன்  செயல்பாடுகள்  பற்றி  நன்கு  அறிந்து  வைத்திருப்பார்  என்பதால்  இப்போது  அது  பற்றிக்  குறைகூறுவது  சரியல்ல.

1எம்டிபி  குறித்த  முன்னாள்  துணைப்  பிரதமரின்  குற்றச்சாட்டுகளை  மறுதலித்த   அம்னோ  உச்சமன்ற  உறுப்பினர்    முகம்மட்  புவாட்  ஸர்காஷி,      முன்பு   முகைதின்   மெளனமாக  இருந்தது  ஏன்  என்று  வினவினார்.

1எம்டிபி  தேவையற்றது  என்றே  எப்போதும்  கூறிவந்ததாக  முகைதின்  கூறிக்கொண்டிருப்பது  குறித்தும்  அவர்  கேள்வி  எழுப்பினார்.

“2009-இல்  1எம்டிபி  அமைப்பதற்கு  ஒப்புதல்  வழங்கிய  அமைச்சரவையில்  அவரும்  இருந்ததை முகைதின்  மறந்துவிட்டார்போலும்”, என்றாரவர்.