இன்று  வேட்புமனு  தாக்கல்  செய்வதற்கு  முன்புவரை  தொகுதிப்  பங்கீடு  தொடர்பில்  டிஏபி-யுடன்  பேசித்  தீர்த்துக்  கொள்ளலாம்  என்ற  எண்ணத்தில்தான்  இருந்ததாக  சரவாக்  பிகேஆர்  தலைவர்  பாரு  பியான்  கூறினார்.

“சர்ச்சையைத்  தீர்த்துக்கொள்ள  சில  தீர்வுகளையும்  முன்வைத்திருந்தோம்.  அவப்பேறாக,  நேற்று  நள்ளிரவுவரை  டிஏபி-இடமிருந்து   எந்தப்  பதிலும்   இல்லை”, என  பாரு  பியான்  ஓர்  அறிக்கையில்  குறிப்பிட்டார்.

பிகேஆரின்  தேசிய  தலைமையும்  மாநிலத்  தலைமையும்  கலந்துபேசியே  வேட்பாளர்களை  நியமனம்  செய்ய  முடிவு  செய்யப்பட்டதாக  அவர்  சொன்னார்.

“ தொகுதிப்  பங்கீடு  என்கிறபோது  பக்கத்தான்  ஹராபான்  95விழுக்காட்டு  இடங்களுக்குப்  பேச்சுகள்  வழியே  தீர்வு  கண்டிருக்கிறது.  ஐந்து  விழுக்காட்டு  இடங்களுக்கு  மட்டும்  உடன்பாடு  காண  முடியாதிருந்தது”, என்றாரவர்.

அதுவே,  பெரிய  சாதனைதான்  என்றார்.