எண்ணெய்  விலை  வீழ்ச்சி  அடைந்திருப்பதால் எண்ணெய்  உரிமப் பணத்தைக்  கூட்டிக்  கொடுக்க  இது  சரியான  நேரமல்ல  என்று  பிரதமர்  நஜிப்  அப்துல்  ரசாக்  கூறினார்.

“இவ்விவகாரத்தைப்  பரிசீலிக்க  இது  நேரமல்ல.  நாட்டின்  வருமானம்  இக்கட்டான  நிலையில் உள்ளது. எண்ணெய் விலை  வீழ்ச்சியால்  ரிம40 பில்லியனை  இழந்து  விட்டோம்”, என்று  அவர்  சுட்டிக்காட்டினார்.

ஆனாலும்  அரசாங்கம் சரவாக்குக்கு  அதன்  கடப்பாட்டை  நிறைவேற்றியுள்ளது.  போர்னியோ  நெடுஞ்சாலை  அமைக்க  உள்ளது.  மாநில  மேம்பாட்டுக்காக  ரிம3.5 பில்லியன்  ஒதுக்கப்பட்டுள்ளது  என்றாரவர்.

சரவாக்கின்  மேம்பாட்டுத்  தேவைகளை  அரசாங்கம்  கவனித்துக்கொள்ளும்  என்றும்  பட்ஜெட்டுக்கு  அப்பாலும்  அதற்கு  ஒதுக்கீடுகள்  செய்யப்படும்  என்றும்  பிரதமர்  கூறினார்.